2 TIMOTIUS 2:7 - Sura' Madatu

⁷ Palan ara’i tu kadangku, belanna lan mintu’ apa Puang la umbenko kamanarangan.

2 TIMOTIUS 2:7 ပူးပေါင်းရင်းမြစ်များ

1 OSSORANNA DATU 22:12

Ondongpi la Nakamaseiko PUANG kamatarrusan sia kapaissanan, sia la Naangka’ko umparenta to Israel, ammu karitutui tu sukaran alukNa PUANG, Kapenombammu.

1 OSSORANNA DATU 29:19

Sia kamaseanni anakku Salomo tu penaa bulo lollong la ungkaritutui tu pepasanMi sia pangadaramMi sia iatu apa Mipondok sia la unturu’i tu mintu’na sia la umbangunni tu tambakuku, tu kupasakka’mo oonganna.

PA’PUDIAN 119:125

Akumo tu taumMi; benna’ kapaissanan, angku belai unnissanni tu mintu’ kasa’biamMi.

PA’PUDIAN 119:144

Iatu mintu’ kasa’biamMi malolo sae lakona, benna’ dikka’ kapaissanan, angku tuo.

PA’PUDIAN 119:73

LimamMimo tu ungkombongna’ sia umpatepuna’, benna’ kapaissanan angku issanni umpelada’i tu mai pepasanMi.

PA’PUDIAN 64:9

Tongka’ dililana kalena untobanganni tu tau iato mai, sia minda-minda untiroi tu tau iato mai la unniling-iling.

SARAMBU PEADA’ 24:32

Iatongku pemarangami, kupalan penaami, sia iatongku tiromi, kualami pangadaran tu iannato.

YESAYA 1:3

Iatu sapi natandai iatu puangna sia iatu keledai natandai iatu palunganna puangna, apa iatu Israel tae’ paissanna, sia iatu taungKu tae’ inaanna.

YESAYA 28:26

Sia Napatudu duka Kapenombanna tu lalan sipatunna sia Naada’i.

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

LUKAS 24:45

Tonna iato Napatibungka’mi tu penaanna tinde tau, kumua anna issanni tu Sura’ Madatu.

LUKAS 9:44

Patananni talingammi te kada iate: Belanna iatu Anak rampan dilino la disorong lako tau.

YOHANES 14:26

Apa iatu Panglalan iamotu Penaa Masallo’, tu la Nasua Ambe’ tete dio sangangKu. Iamo la unnada’ikomi tu mintu’nato sia la umpakilalakomi tu mintu’na mangkanna Kupokadangkomi.

YOHANES 16:13

Apa ianNa sae Ia, Iamotu Penaa Kamanapparan la Nalalankomi lako mintu’na kamanapparan belanna tae’ Nama’inaanna kalena ma’kada-kada, sangadinna iatu Naranginna ia dukamo Napokada; sia Napa’peissanan lako kalemi tu mintu’na apa la dadi.

PENGGAURANNA RASULU’ 7:10

sia nalendokan dio mai mintu’ kamaparrisan anna benni pa’kamasean sia kakinaan dio olona Firaun, datu Mesir, tu unnalai pangulu dio mintu’ lili’na tana Mesir sia lan banuanna datu.

1 KORINTUS 12:8

Belanna den tu tau kada Kinaa, Nakamaseanni Penaa na iatu senga’na kada paissan, tuo dio duka mai Penaa iato.

PA’TOLE 32:29

Iake kinaai la untandai te iannate, sia la umpalan penaai tu apa la rampo ma’katampakanna.

PA’TOLE 4:39

Totemo la mutandai sia la mupalan penaa, kumua iatu PUANG Iamo Kapenomban lan langi’ dao sia dao kuli’na padang inde to diong, tae’ senga’na.

FILIPI 4:8

Senga’mito, e sangsiulurangku, mintu’na tu tonganna, mintu’na tu mala’bi’na, mintu’na tu malambu’na, mintu’na tu masallo’na, mintu’na tu maballona, mintu’na tu melona dirangi, to ke nanii kameloan sia ke nanii kadipudian, iamoto tu la mitangnga’ lan penaammi.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

1 TIMOTIUS 4:15

La mupalan ara’ tu iannato, sia la mupangu’gui, anna payan lako mintu’ tau tu sakakendek-kendekammu.

2 TIMOTIUS 2:6

Iatu to mara’ta’ ma’pa’lak, sipato’ ia dolo untammui tu burana.

2 TIMOTIUS 2:8

Pengkilalai tu Yesu Kristus tarukna Daud, mangkamo malimbangun dio mai to’ to mate, susitu lanna Kareba-kaparannuan kupa’peissanan.

IBRANI 12:3

Iamoto, timbangmi tu Yesu, tu umma’tanan penaa mintu’ kada layukna to kasalan unneai, kumua da ammi masorro, belanna ranggang penaammi.

IBRANI 13:7

Kilalai tu mai panglalanmi tu to mangkamo umpokadangkomi kadanNa Puang Matua, palan ara’i tu tampak katuoanna, ammi alai sangka’ tu kapatongananna.

IBRANI 3:1

Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

IBRANI 7:4

Tangnga’i tumba kapuana tau iato, tu naben Abraham nene’ to dolota taa sangpulona tu mintu’ pangrampa ma’iringanna.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

YAKOBUS 3:15

Iatu kakinaan iato tae’ nakakinaan lu dao mai sangadinna kakinaan lu dio mai lino, tu umbudanan mentolinona, sia menggaronto’ dio mai pa’poraianna deata bulituk.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.