2 TIMOTIUS 2:2 - Sura' Madatu

² Sia iatu muranginna dio mai kaleku, tu nasa’bii buda tau, pakambiranni to dikatappa’i, tu la sielle’ unnada’i pole’to senga’.

2 TIMOTIUS 2:2 ပူးပေါင်းရင်းမြစ်များ

EZRA 7:10

Belanna napabatta’mo Ezra tu penaanna la umparessai tu Sukaran alukNa PUANG sia la unturu’i sia umpa’pangadaranni tu mintu’ apa dipondok sia atoran dio lu to Israel.

EZRA 7:25

Na iko, e Ezra, sitinaya tu kakinaanNa Kapenombammu dio kalemu, angka’i tu toma’parenta sia toma’paolai salu, anna paolai salu tu mintu’ tau, tu torro dio lili’ sambalinna lu Salu, tu mintu’ to untandai Sukaran alukNa Kapenombammu; sia iatu mai to tae’ natandai, la mupokadan.

NEHEMIA 7:2

Kuangka’mi tu Hanani siulu’ku sia Hananya, kamandang benteng, ungkampai Yerusalem, belanna iatu Hananya misa’ to matappa’ sia to ungkataku’ Puang Matua buda tau nalosongi.

PA’PUDIAN 101:6

Iatu matangku la umpemantang to maruru’ lan padang iate, kumua angku torro sola; na minda-minda tu unnola lalan malolo, iamo la kupolentek maringngan.

SARAMBU PEADA’ 13:17

Iatu to dikomba-kombai tang mekaaluk la tobang rokko kamandasan, apa iatu pesua maruru’ umpaden kamanamanan.

YEREMIA 23:28

Iatu nabi mangimpi la napokada tu pangimpinna sia iatu to nanii kadangKu la napokada situru’ kamanapparan; samaraka tu dalame anna gandung? kadanna PUANG.

SURA’ KATOMINAAN 14:42

Mangkato la mesua unnala batu senga’ nasondanni tu batu disu’be’i sia unnala losso’ pitti’ senga’ nasapuranni tu banua iato.

MALEAKHI 2:7

Belanna iatu pudukna to minaa unnanna kapaissanan sia lan mai sadangna nanii tau undaka’ pangadaran diona Sukaran aluk, belanna iamo misa’ pesuanNa PUANGna mintu’ ma’dandan maritik.

KADIBILANGAN 12:7

Apa tae’ Kupasusi to tu taungKu Musa tu manappa’ lan mintu’ banuangKu.

MATIUS 13:52

Nakuami Yesu ungkuanni: Iamoto minda-minda tu pandita Sura’, tu digurui lan Parenta Suruga, iamo butung misa’ to makaka, umpatassu’i diong mai inan pangannana tu bangla’na sia masainnamo.

MATIUS 24:25

Palan ara’i, mangkamo kupokada dolo tu iannato lako kalemi.

LUKAS 12:42

Nakuami Puang: Mindara tu to ma’kampa banua maruru’ sia kinaa, tu naangka’ puangna la ungkapalai mintu’ kaunanna, la umpapantanni kande, ke allu’naomi?

1 KORINTUS 4:2

Na iatu dituntunnapa dio to makaritutu, la payanan manappa’.

2 KORINTUS 2:14

Apa kurre sumanga’na langngan Puang Matua, tu tontong umpasonglo’kan lan mai pa’telangan la male lumiling tama tondok belanna kapataloan tete dio Kristus sia umpatitantan busarungngu’na kaditandaianna Kristus diona kadangki dio lu mintu’ inan.

2 KORINTUS 3:5

Tangngia duka kumua kami te nalambi’ kamanarangangki kalena angki sangai kumua manarangkan umpogau’ misa’ apa, sangadinna iatu kamanarangangki lu dio mai Puang Matua.

KOLOSE 1:7

susitu mangka mipelada’i dio mai Epafras, sangayoka pa’kaboro’ lan pengkarangangki, tu tau maruru’Na Kristus belanna kamu.

1 TIMOTIUS 1:12

Ma’kurre sumanga’na’ lako Kalena tu umpamatoto’na’, Iamotu Kristus Yesu Puangta, belanna Nakatappa’imo’, anNa patamana’ lan te pentoean iate,

1 TIMOTIUS 1:18

Inde sia tu pepasan kupabarakkanangko, e, anakku Timotius, situru’ tu mintu’ pa’nubua’ dipokada dolo diona a’gammu, kumua anna pa’nubua’ iato mupomatoto’ lan kapararian melo.

1 TIMOTIUS 4:14

Da mukasalioi tu pa’kamasean lan kalemu, tu dipa’kamasean lako kalemu tete dio pa’nubua’ tonna remme’iko limanna mintu’ penatua.

1 TIMOTIUS 4:6

Iake mupa’pakilalanni te mintu’na te lako sangsiuluranta, manassa ikomo tu to masokanNa Kristus Yesu, to ungkaritutuiko kalemu diona kada pa’patongan sia mintu’ tu pangadaran melo tu mupengkaolainnamo.

1 TIMOTIUS 5:22

Da ammu sa’ka’ bang urremme’i lima moi misa’ tau, sia da mutamai kasalanna to senga’. Karitutui maindanko kalemu.

1 TIMOTIUS 6:12

Pembela-belai lan rari melona kapatonganan, pellambi’i tu katuoan matontongan, tu ditambammoko, sia mangkamoko unnaku pangakuan tongan dio tingayona buda sa’bi.

2 TIMOTIUS 3:10

Apa iatu iko unturu’moko pangadarangku sia gau’ku, sia lalan inaangku sia kapatonganangku sia kama’tanan penaangku sia pa’kaboro’ku sia kama’patariangku.

2 TIMOTIUS 3:14

Apa iko te la manda’ko lan tu mintu’na apa mangkamo mupelada’i, sia iatu mukatappa’inamo, belanna muissan minda tu munii mangka umpelada’i;

IBRANI 2:17

Iamoto anNa Ia dipapada mintu’ siulu’Na lan mintu’na, dikua anNa lan kamenomban langngan Puang Matua Ia mendadi Tominaa Kapua tu mamase sia maruru’, la usseroi mintu’ kasalanna taunNa.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.