2 TIMOTIUS 1:4 - Sura' Madatu

⁴ Belanna ungkilalai uai matammu, kupourungi mamali’ la ussitiroangko, kumua anna ponnoina’ kaparannuan;

2 TIMOTIUS 1:4 ပူးပေါင်းရင်းမြစ်များ

PA’PUDIAN 126:5

Iatu to mantanan situang uai matanna, la mepare situang la’tek silelean.

YESAYA 61:3

La umpapatui mintu’ to Sion tu nalambi’ rosso inaa, anna diben passapu maramba’ la dipasondana au sia minna’ kasendean la dipasondana ma’pote dibolong, pakean pa’tendeng la dipasondana penaa si’pi’. Anna disangai tu tau iato mai: tarpin kamaloloan, tanananNa PUANG, dikua anna pakala’bi’I.

YEREMIA 31:13

Attu iato iatu mintu’ anak dara parannu-rannu ma’gellu’, susi dukato tu muane mangura sia to matua parannu-rannu, belanna la Kupopembali kasendean tu passanda bolongna tau iato mai, sia la Kupakatana sia Kupakarannu, ke upu’mi tu kamasussanna.

YOHANES 16:22

Susi kamu inang masussa misa’ding totemo te; apa la Kusitiroan pole’komi, anna parannu penaammi, na moi misa’ tau tae’ umbelai unnalai dio mai kalemi tu kaparannuammi.

YOHANES 16:24

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.

PENGGAURANNA RASULU’ 20:19

angku mengkaola langngan Puang, naturu’ kamadionganan penaa sia uai mata, sia ba’tu pira-pira peroso narapa’ to Yahudi lan kombongan rampo lako kaleku;

PENGGAURANNA RASULU’ 20:31

Iamoto dadi kanandai sia pengkilalai kumua tallung taunna’ keallo kebongi tae’ kutorei umpakilala simisa’i tu tau situru’ uai matangku.

ROMA 1:11

Belanna mamali’na’ la ussitiroangkomi, kumua angku pasilelekomi pa’kamasean mempenaa umpabatta’komi;

FILIPI 1:8

Belanna Puang Matua ussa’biina’ kumua tumba mamali’na penaangku lako kamu sola nasang diona kamamaseanNa Kristus Yesu.

FILIPI 2:26

lendu’ mamali’na lako kamu sola nasang, sia ma’rundede duka penaanna tu belanna mirangimo kumua masaki.

1 TESALONIKA 2:17

Apa kami te, e sangsiulurangku, tu belanna sangattu’ki’ te sisarak, ta’de dio pentiro, apa tang pa’de diong penaa, ondong pissanmi kipengkulleinna sia lendu’ mamali’ki la ussitiroangkomi.

2 TIMOTIUS 4:21

Pengkullei male mai su’ding tae’pi anna attu kamadinginan. Iatu Ebulus na Pudes na Linus na Klaudia sola mintu’ sangsiuluran umparampo salama’na mati’.

2 TIMOTIUS 4:9

Pengkullei mumadomi’ male mai.

1 YOHANES 1:4

Iatu iannate kisura’, dikua anna sundun tu kaparannuanta.

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.