2 SAMUEL 9:7 - Sura' Madatu

⁷ Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

2 SAMUEL 9:7 ပူးပေါင်းရင်းမြစ်များ

KADADIAN 43:18

Mataku’mi, belanna nasolan tau tama banuanna Yusuf. Nakuami: Ia sia anta dipatama indete, dionamora tu doi’, tu mangka dipasule tama karungta tonna bunga’na, dikua anna den lalan nanii umpaalaiki’ poya sia unno’tonki’, anna potauki’ sola mintu’ keledainta.

KADADIAN 43:23

Nakuami tu tau iato: Pakari’pii tu penaammi, da mimataku’! Nakamaseimokomi Kapenombammi sia Kapenombanna ambe’mi, Napatamangkomi ianan tama karungmi; iatu doi’mi mangkamo kutarima. Nasolammi sun lako tu Simeon.

2 SAMUEL 12:8

Sia mintu’ tu to lan tongkonan layukna puangmu Kukamaseangko, susi dukato tu mintu’ bainena puangmu la rokko riammu, ondongpi Kukamaseangko tu mintu’ nalili’ Israel sia Yehuda; – iake tae’pi naganna’ tu mintu’nato, manassa la Kurangannipa apa-apa tu muporai.

2 SAMUEL 19:28

Moi anna mintu’ rapunna ambe’ku ussangai, kumua to la napatei nasang puangku datu, natarima dukamo’ puangku tama bilanganna to kumande sola puangku. Apapara la kutuntun sia kupokada lako datu?

2 SAMUEL 19:29

Apa ma’kada tu datu lako, nakua: Apapara gai’mu umpebudai kada? Susite tu kadangku: Pa’duai Ziba tu mintu’ pa’lak iato.

2 SAMUEL 19:33

Ma’kadami datu lako Barzilai, nakua: Melo ke mituru’na’ tamale sola, anta torro sola dio Yerusalem angku karitutuikomi.

2 SAMUEL 21:7

Apa tang namasean penaa datu tu Mefiboset, anakna Yonatan, anakna Saul, belanna mangkamo umposumpa PUANG, tu unnarra’i sola duai iamotu Daud na Yonatan, anakna Saul.

2 SAMUEL 9:1

Ma’kadami tu Daud nakua: Denparaka torro tu bati’na Saul, angku pogau’ kamasokanan lako kalena belanna Yonatan?

2 SAMUEL 9:10

La mukarangan tu pa’lak iato, iko sia anakmu muane sia mintu’ kaunammu, sia la muposara’ tu burana, anna kandei anakna puangmu. Iatu Mefiboset, anakna puangmu, la tontongna’ kumande sola. Iatu Ziba sangpulo lima tu anakna muane, anna duangpulo tu kaunanna.

2 SAMUEL 9:11

Mebalimi tu Ziba lako datu nakua: Mintu’ tu kadanna puangku datu, kuturu’ nasang. Susimoto tu Mefiboset kumande sola Daud susi misa’ anak datu.

2 SAMUEL 9:13

Susito torromi tu Mefiboset dio Yerusalem, belanna tontong kumande sola datu. Iatu lette’na kupi’ patomali.

2 SAMUEL 9:3

Nakuami datu: Denparaka torro tu bati’na Saul, angku pogau’ kamaturu-turuanNa Kapenomban lako kalena? Ma’kadami tu Ziba lako datu, nakua: Denpa misa’ muane, anakna Yonatan, tu kupi’ patomali.

1 DATU 2:7

Apa iatu mai anakna Barzilai to Gilead, la mutiroan kameloan, sia la sangisungangko sola kumande tu tau iato mai, belanna susito tu tau iato mai tonna sae umpessitammuina’, tongku mallai dio mai kakammu Absalom.

2 DATU 25:29

Naelorammi datu Babel ussondai tu pakean pa’tarungkuanna, sia kumande dio medana datu lan mintu’ katuoanna.

PA’PUDIAN 41:9

Le’ke’ misa’ saki tang dampi-dampian lako kalena, iamoto totemo mamma’mo anna tae’mo nala malimbangun sule.

YEREMIA 52:33

Naelorammi datu Babel ussondai tu pakean pa’tarungkuanna, sia kumande dio medana datu lan mintu’ katuoanna.

ZAKHARIA 7:9

Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;

MATIUS 6:11

Benkanni tu silasanna kikande allo iate

LUKAS 22:30

anta misa’ kao’koran sola ma’talimbungan kumande sia mangiru’ lan ParentaKu sia unnisungi isungan kapayungan umparessai tu sangpulo dua sukunna to Israel.

KADA OMBO’ LAKO RASULU’ YOHANES 3:20

Tiromi bendanNa’ dio to’ ba’ba angKu ma’dedek; iake narangii tau tu gamarangKu, anna bungkaranNa’ ba’ba, la tamaNa’ angKu kumande sola.

1 SAMUEL 12:24

PUANG manna tu la mikataku’ sia mipengkaolai situang kamarurusan sia penaa kalebummi, belanna tiromi tumbai kapuana tu apa Napogau’ lako kalemi.

1 SAMUEL 20:15

Da duka mupasikalangkai kamarurusammu tu bati’ku, moi anna attu ia dukato, ke Namangsanni PUANG tu mintu’ ualinna Daud lan mai te lino.

1 SAMUEL 22:23

Totemo melo ke torromoki’ sola. Da mimataku’, belanna iatu to undaka’ lalan la umpateina’, ia dukamo undaka’ lalan la umpateikomi, apa iake sibaaki’ la makarimmankomi.