2 SAMUEL 9:1 - Sura' Madatu

¹ Ma’kadami tu Daud nakua: Denparaka torro tu bati’na Saul, angku pogau’ kamasokanan lako kalena belanna Yonatan?

2 SAMUEL 9:1 ပူးပေါင်းရင်းမြစ်များ

2 SAMUEL 1:26

Belanna iko, e siulu’ku Yonatan, anna bonnong tu penaangku, tarru’ kukamali’ko; iatu kamamaseammi lako kaleku mandu kuangga’ na kamamasean baine.

2 SAMUEL 21:7

Apa tang namasean penaa datu tu Mefiboset, anakna Yonatan, anakna Saul, belanna mangkamo umposumpa PUANG, tu unnarra’i sola duai iamotu Daud na Yonatan, anakna Saul.

2 SAMUEL 9:7

Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

1 DATU 2:7

Apa iatu mai anakna Barzilai to Gilead, la mutiroan kameloan, sia la sangisungangko sola kumande tu tau iato mai, belanna susito tu tau iato mai tonna sae umpessitammuina’, tongku mallai dio mai kakammu Absalom.

SARAMBU PEADA’ 27:10

Da mutampei tu sangmanemu sia sangmanena ambe’mu, apa da mulese banuanna siulu’mu, ke naruako kamandasan. Mandu melo tu sangbanua mandappi’ na iatu misa’ siulu’ mambela.

MATIUS 10:42

Sia minda-minda tu umpairu’i moi anna sangirusanri uai sakke’ te to bongko iate, tu belanna anak guru sanganna, tonganna tongan Kukua mati’, tae’ nala pa’de len tu poleanna.

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

MARKUS 9:41

Belanna minda-minda tu umpairu’komi uai sangirusan diona sangangKu, tu belanna kamu te passolannakomi Kristus, tonganna Kukua mati’, inang tae’ nala pa’de len tu poleanna.

1 PETRUS 3:8

Ma’katampakanna sipatukomi sola nasang sanginaa, sia maturu-turu, sia unnala mase mintu’ siulu’, sia madulu’, sia umpamadiongan penaa;

1 SAMUEL 20:42

Nakuami tu Yonatan lako Daud: Male marampa’moko, belanna manassa mangka tasibassei tete dio sanganNa PUANG, kumua: Na PUANGmora lan alla’na bati’ku sia bati’mu tontong sae lakona.