2 SAMUEL 8:6 - Sura' Madatu

⁶ Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Iatonna tiromi mintu’ arung mengkaola lako Hadadezer, kumua talo dio tingayona to Israel, sikaelomi to Israel, sia mengkanorong lako. Mataku’mi tu to Aram untundui pole’i tu to Amon.

2 SAMUEL 23:14

Attu iato iatu Daud lan tambakuku, na attu ia dukato iatu pa’kampan surodadu to Filistin dio Betlehem.

2 SAMUEL 3:18

Totemo pasundunmi tu pa’poraiammi, belanna susite tu kadanNa PUANG diona Daud, nakua: Tete dio limanna Daud, taungKu, angKu rampananni tu to Israel, taungKu, lan mai limanna to Filistin sia lan mai limanna mintu’ ualinna.

2 SAMUEL 5:10

Samasai-sainna sakerangngan-rangngannami tu kamala’biranna Daud, belanna PUANG, Kapenombanna mintu’ ma’dandan maritik, urrondongi.

2 SAMUEL 7:9

Kurondongko umba-umba muola sia Kusabu’i tu mintu’ ualimmu dio tingayomu. Sia la Kupatarompo’ tu sangammu susi sanganna to tarompo’ lan lino.

2 SAMUEL 8:14

Sia napao’ko’i surodadu ma’kampa lan tu Edom; lan mintu’ tondok Edom napao’ko’i surodadu ma’kampa, naurunganni lumbang baka direngnge’ tu mintu’ to Edom lako Daud. Susimoto tu PUANG ungkamasei Daud kapataloan umba-umba nanii male.

2 SAMUEL 8:2

Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

2 SAMUEL 8:7

Naalami Daud tu mintu’ balulang bulaan, tu dio mintu’ surodadunna Hadadezer, nabaai lako Yerusalem.

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

2 DATU 1:1

Iatonna matemo tu Ahab balikmi tu to Moab dio mai to Israel.

2 DATU 14:28

Iatu tang dipokadannapa tu mintu’ tuna’na Yerobeam sia mintu’na apa napogau’ sia penggauran lalongna, sia umba nakua parari sia umba nakua umpasulei tu Damsyik sia Hamat, tu dolona napolili’ Yehuda, lako Israel, tang tisura’moraka lan sura’ ossoranna mintu’ datu to Israel?

2 DATU 18:7

Iamoto Narondongi PUANG; umba-umba tu nanii male, inde to nanii maupa’. Nabalimo tu datu Asyur sia tae’mo napengkaolai.

2 DATU 3:4

Iatu Mesa, datu to Moab, umpatuo domba; napa’kasianammi lako datu to Israel tu anak domba saratu’ sa’bu sola bulu domba laki saratu’ sa’bu.

1 OSSORANNA DATU 18:13

Sia napao’ko’i pa’kampan surodadu tu tondok Edom, naurungan mengkanorong nasang tu mintu’ to Edom lako Daud. Nakamasei PUANG, kapataloan tu Daud umba-umba tu nanii male.

2 OSSORANNA DATU 17:2

Napanniimi ba’tu pira-pira surodadu lan tu mintu’ kota ditambakuku dio Yehuda sia surodadu pa’kampa lan tondok Yehuda sia lan mintu’ kota Efraim, tu mangka natalo Asa, ambe’na.

PA’PUDIAN 140:7

Kukuami lako PUANG: Kamumo tu Kapenombangku, tananni talingamMi tu pengkamoyaku, o PUANG.

PA’PUDIAN 60:10

Na iatu Moab pembasean lentekku, anna iatu Edom la kunii umpellebaran sepatungku, unnarrakna’, belanna kutalo tu tondok Filistea.

SARAMBU PEADA’ 21:31

Iatu darang dipasakka’, ke allo kapararian, apa iatu kapataloan lu dio mai PUANG.

1 SAMUEL 13:3

Nataloimi Yonatan tu surodadu pa’kampana to Filistin dio Geba; narangimi to Filistin tu mintu’ apa iato. Attu iato napesuammi Saul umpannoni napiri tanduk dio lu mintu’ lili’ tondok, nakua: La narangi mintu’ to Ibrani.

1 SAMUEL 14:1

Den sangallo nama’kada Yonatan, anakna Saul lako pa’takinna, nakua: Maiko talamban lian lako surodadu pa’kampana to Filistin, tu sambalinna lu. Apa iatu iannato tae’ napokadanni ambe’na.

1 SAMUEL 14:15

Dadimi misa’ katirambanan lan lu to’ tenda surodadu sia dio lu padang sia dio lu to’ to buda; sia tiramban duka tu surodadu ma’kampa sia ia duka tu mai surodadu mangrampa sangbaanan; ondong pissanpi tigega’ tu mintu’ tondok, naurungan susi misa’ katirambanan dio mai Puang Matua.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.