2 SAMUEL 8:2 - Sura' Madatu

² Sia natalo duka tu to Moab, sia nasua mamma’ tungara diong padang, nasuka’i ulang; iake naalaoi ulang pesuka’ sipenduan, iamo dipatei, na iatu ganna’na sipissan ulang pesuka’, iamo dipatuo. Susimoto tu to Moab mengkanorong lako Daud sia umbaya’ sima.

2 SAMUEL 8:2 ပူးပေါင်းရင်းမြစ်များ

2 SAMUEL 12:31

Mintu’ tu to torro lan nabaa sun, napandanni diongna lu gare’ge’ sia diongna lu salaga bassi sia diongna lu uase bassi sia napesuan umpalelei lako to’ panglallangan batu. Susimo penggaurannato lako mintu’ tondok to Amon. Mangkato Sulemi tu Daud sola mintu’ surodadu lako Yerusalem.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

1 DATU 4:21

Iatu datu Salomo umparenta mintu’ kadatuan randuk dio mai salu Efrat sae lako tondok to Filistin, landa’ lako lili’na Mesir; iatu tau iato mai ma’kasian sia mengkaola lako Salomo lan mintu’ allo katuoanna.

2 DATU 1:1

Iatonna matemo tu Ahab balikmi tu to Moab dio mai to Israel.

2 DATU 17:3

Ke’de’mi tu Salmaneser, datu to Asyur, la ullaoi, apa iatu Hosea lumbang baka direngnge’ lako sia umbaya’ sima.

1 OSSORANNA DATU 18:2

Sia natalo duka tu Moab, naurunganni mengkanorong tu to Moab lako Daud sia umbaya’ sima.

2 OSSORANNA DATU 26:8

Iatu to Amon umpennoloan sima lako Uzia. Tarompo’ tu sanganna sae lako Mesir, belanna iatu kuasanna sakapua-puana.

PA’PUDIAN 108:9

Iatu Gilead taaku, sia iatu Manasye taaku duka, na iatu Efraim iamo sarong batungku, sia iatu Yehuda iamo tekken kapayungangku.

PA’PUDIAN 18:45

Mane narangi tu diona a’gangku, naturu’mi tu parentaku; sia iatu to salian bangsa naangga’-angga’i mengkanorong lako kaleku.

PA’PUDIAN 60:10

Na iatu Moab pembasean lentekku, anna iatu Edom la kunii umpellebaran sepatungku, unnarrakna’, belanna kutalo tu tondok Filistea.

PA’PUDIAN 60:8

Mangkamo ma’kada tu Puang Matua lan inan kabusunganNa. La mela’tekna’, sia la kutaa-taa tu Sikhem, sia la kusuka’ tu rantena Sukot.

PA’PUDIAN 83:6

Inang manassa misa’ penaamo tu tau iato mai untampa tengko situru’, sia unnarra’ lampa kada la unneaKomi:

YESAYA 36:16

Da miperangii tu kadanna Hizkia, belanna nakua kadanna datu Asyur: Menombakomi sia ussorongkomi kalemi lako kaleku, ammi pantan ungkandei tu bua anggoro’mi sia bua arami sia pantan unniru’ uai lan mai bubunmi.

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

1 SAMUEL 10:27

Apa den tu ba’tu pira to bulituk ma’kada, nakua: Umba nakua la urrampanangki’ te? Sia napamatuna tau iato mai sia tae’ nama’kasian lako kalena, apa nakappai bang Saul tu iannato.

1 SAMUEL 14:47

Iatonna manda’ untoe kadatuan tu Saul dio to Israel, narariimi tu mintu’ ualinna tiku lao: Iamotu to Moab, sia to Amon, sia to Edom, sia mintu’ datu to Zoba sia to Filistin. Sia umba-umba tu nanii male parari, inde dukato nanii unnappa’ kapataloan.

1 SAMUEL 22:3

Tilelemi tu Daud inde to dio mai lako Mizpa lan lili’na Moab; anna ma’kada lako datu Moab, nakua: Elorampi tu indo’ ambe’ku torro sola mintu’ taummi sae lako kuissanna umba Napakuanna’ Puang Matua undinna.

1 SAMUEL 22:4

Nasolammi Daud tu tau iato mai mentilindung lako datu Moab, anna torro sola lan mintu’ allo katorroanna Daud lan tambakuku iato.