2 SAMUEL 7:8 - Sura' Madatu

⁸ Iamoto la muparampoan taungKu Daud, kumua: Iamote tu kadanNa PUANGna mintu’ ma’dandan maritik: Kupaleleko dio mai to’ riu maluna dio mai to’ domba, la dadi arungna mintu’ taungKu, iamotu to Israel.

2 SAMUEL 7:8 ပူးပေါင်းရင်းမြစ်များ

2 SAMUEL 12:7

Nakuami Natan lako Daud: Puangku bang siamo tu tau iato! Susite tu kadanNa PUANG, Kapenombanna to Israel: Mangkamoko Kutokko dadi datunna to Israel sia Kurampanangko lan mai limanna Saul.

2 SAMUEL 14:13

Nakuami tu baine iato: Ma’apari mipalanri penaammi tu tangnga’ susite tu diona taunNa Puang Matua? Belanna iatommi mangkamo umpokadai te kada iate, puangku kalena tu butung to sala, belanna tae’ naeloranni puangku tu to ditibe sule sae.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

2 SAMUEL 6:21

Ma’kadami Daud lako Mikhal, nakua: Dio oloNa PUANG, tu untonno’na’ ussonda ambe’mu sia mintu’ bati’na, Napadadimo’ arungna mintu’ taunNa PUANG, iamotu to Israel, iamoto angku ma’marua’-rua’ dio oloNa PUANG.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 DATU 8:16

Randuk dio mai allo Kunii ussolan taungKu sun lan mai Mesir, tae’ angKu pilei langsa’i tu misa’ kota dio lu mintu’ sukunna to Israel, la dinii umbangunni tu misa’ banua, kumua anna nii sangangKu lan, sangadinna Kutonno’ bua kayumo tu Daud la umpangului tu taungKu Israel.

1 OSSORANNA DATU 17:7

Iamoto susite tu la mupokada lako taungKu Daud, kumua: Inde sia tu kadanNa PUANGna mintu’ ma’dandan maritik, kumua: Kupalelemoko dio mai to’ kariuanna, dio mai to’ domba, la dadi arungna mintu’ taungKu, to Israel.

1 OSSORANNA DATU 21:17

Ma’kadami tu Daud lako Puang Matua nakua: Tang akuraka mesua unnia’i te mai tau? Manassa akumora tu kasalan sia umpogau’i tu apa kadake liu; apa iate mai domba, apara ia tu napogau’? O! PUANG Kapenombangku, elo’namo Mipata’paina’ lima sola tu mai sangdadiangku, apa da na iatu taumMi Mipata’pai lima la umpandasai.

AMOS 7:15

Apa Naalamo’ PUANG dio mai boko’ domba, sia ma’kada tu PUANG lako kaleku, Nakua: Maleko ammu ma’nubua’ diona ukungan diparampo lako taungKu Israel.

PENGGAURANNA RASULU’ 7:46

Daudmo tu ungkabu’tui pa’kamasean dio mai Puang Matua, napalakui kumua anna ma’din unnalanni inan tu Puangna Yakub.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.

1 SAMUEL 9:16

Masiang agi-agi attu susite la Kusua lako kalemu tu misa’ muane dio mai lili’na Benyamin; la mutokko la dadi arungna taungKu Israel, iamo la urrampanan taungKu dio mai limanna to Filistin. Belanna maturu-turuNa’ untiroi tu taungKu, saba’ rampomo pengkamoyana lako Kaleku.