2 SAMUEL 7:7 - Sura' Madatu

⁷ IatongKu salamba salaopa sola mintu’ to Israel, denmoraka Kupokada sangbuku kada lako misa’i tu pangulunna suku to Israel, tu Kusua umpetayanni taungKu Israel, kumua: Ma’apai ammi tang unggaraganNa’ misa’ banua kayu arasi’?

2 SAMUEL 7:7 ပူးပေါင်းရင်းမြစ်များ

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

1 OSSORANNA DATU 11:2

Iatonna dolonapa, tonna Saul datu inang kamu duka tu umbaa to Israel tassu’ sia ussolanni tama, sia ma’kada tu PUANG, Kapenombammi, lako kalemi, Nakua: Iko la ungkambi’i tu taungKu Israel sia iko dukamo la dadi arungna tu taungKu Israel.

1 OSSORANNA DATU 17:6

IatongKu tipalele-lele dio lu mintu’ tondok Israel, denmoraka Kuma’kada sangbuku kada lako misa’i tu to parengnge’na to Israel, tu Kusua umpetayanni taungKu to Israel, kumua: Ma’apai ammi tang umpabendananNa’ misa’ banua kayu arasi’?

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

YESAYA 66:1

Nakua kadanNa PUANG: Iatu langi’ iamo isungan kapayungangKu, na iatu lino iamo pelleseangKu; umbamira tu banua la migaraganNa’, ba’tu umbamira tu inan kapelayoangKu?

YEREMIA 23:4

AngKu padenanni ba’tu pira-pira to mangkambi’ tu la ungkambi’ tau iato mai, naurungan tae’mo namataku’ ba’tu tiramban sia tae’mo nala pa’de, kadanNa PUANG.

YEREMIA 3:15

Aku la ungkamaseangkomi tu mintu’ to mangkambi’ tu naala penaangKu anna ia ungkambi’komi situang kapaissanan sia tangnga’kinaa.

YEHEZKIEL 34:15

Aku kalena la ungkambi’i tu mai dombaKu sia Aku kalena umpalenga’i, kadanNa Puangta PUANG.

YEHEZKIEL 34:2

E ma’rupa tau, ma’nubua’ko unnea mintu’ to mangkambi’na Israel, ma’nubua’ko sia ma’kadako lako tau iato mai, iamotu to mangkambi’, mukua: Inde sia tu kadanNa Puangta PUANG, Nakua: Upu’ allona tu to mangkambi’na Israel, tu kalena manna nakambi’! Iatu mai to mangkambi’ tang dombaraka ia tu sipatu nakambi’?

YEHEZKIEL 34:23

Attu iato la Kuangka’ tu misa’ to mangkambi’ dio lu tau iato mai, tu la ungkambi’i, iamotu Daud, taungKu. Iamoto tu la ungkambi’i tau iato mai, sia dadi to mangkambi’na tau iato mai.

MIKHA 5:4

Sia Ia la oto’na kasalamaran. Iake la tamai tondokta tu to Asyur sia iake la ullesei tongkonan layukta, manassa la tapabendanan pitu to mangkambi’ sia karua arung dio mai tolino la unneai,

MATIUS 2:6

E Betlehem, dio tana Yehuda, inang tae’ ia nala iko bitti’na tu mintu’ pangulu Yehuda, belanna iko nanii sun misa’ panglalan, tu la ungkambi’ taungKu to Israel.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

PENGGAURANNA RASULU’ 21:28

sia metamba-tamba, nakua: E kamu mintu’ to Israel, tunduimokan! Indemo tu to unnada’i mintu’ tau, tu tae’ tang nanii umbelle’i tau sia Sukaran aluk sia iate inan iate. Sia ba’tu pira-piramo to Yunani nasolan tama Banua Kabusungan, sia naruttakki te inan maindan iate.

PA’TOLE 23:14

Belanna iatu PUANG, Kapenombammu, ussalongi to’ tendamu, la urrampanangko dio mai kamandasan, anNa sorongi tu ualimmu lako kalemu; iamoto la masero tu to’ tendamu, kumua da Natiro lenni tu apa tang sipatu dio kalemu sia da Nasepang tu Puang dio mai kalemu.

1 PETRUS 5:1

Inde sia tu pa’pakilalangku lako mintu’ penatuammi – belanna pada penatua dukana’ sia to umpemanassa diona mintu’ kamaparrisanNa Kristus, sia umpotaa kamala’biran la dipasombo undinna: –