2 SAMUEL 7:25 - Sura' Madatu

²⁵ Totemo, o PUANG Kapenomban, iatu kada tu mangka Mipokada diona te taumMi sia diona bati’na, pabantangi tontong sae lakona, ondongpi parampo randannai susitu kadamMi.

2 SAMUEL 7:25 ပူးပေါင်းရင်းမြစ်များ

KADADIAN 32:12

Tang susiraka te tu kadanNa Puang kumua: Manassa la Kupatiroiko melo sia iatu bati’mu la Kupapada karangan diong biring tasik, tu tang dikemba’ dibilang?

2 SAMUEL 7:24

Mangkamo Mipatontong tu taumMi Israel la Mipotau sae lakona na Kamu, o PUANG tu Kapenombanna tau iato mai.

2 SAMUEL 7:26

Iake susito la mala’bi’ tu sangamMi sae lakona, sia la nagente’ tau, kumua: Iatu PUANGna mintu’ ma’dandan maritik, iamo Kapenombanna to Israel, sia tongkonanna Daud, taumMi, la manda’ dio oloMi.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 8:26

Na totemo, o Kapenombanna to Israel, denno upa’ narampo randanna tu kada, tu mangka Mipokada lako taumMi Daud, ambe’ku.

2 OSSORANNA DATU 6:17

Na totemo, o PUANG, Kapenombanna to Israel, dennoupa’ narampo randanna tu kada mangka Mipokada lako Daud, taumMi.

PA’PUDIAN 119:38

Pamanda’i tu pangallu’Mi lako taumMi, tu to matinuru’ ungkataku’Komi.

PA’PUDIAN 119:49

Kilalai tu kadamMi lako te taumMi. Belanna Mibenmo’ kapa’rannuanan;

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

1 SAMUEL 1:23

Ma’kadami tu Elkana, muanena, lako nakua: Pogau’mi tu apa musanga melo, torromoko sae lako musarakkinna; na PUANGmora umpasundunni tu kadanNa. Torromi tu baine iato umpasusu anakna sae lako nasarakkinna.