2 SAMUEL 7:2 - Sura' Madatu

² Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

2 SAMUEL 7:2 ပူးပေါင်းရင်းမြစ်များ

2 SAMUEL 11:11

Mebalimi Uria lako Daud nakua: Iatu patti sia mintu’ to Israel sia to Yehuda torro lan lu tenda sia puangku Yoab sia mintu’ surodadunna puangku mamma’ bang dio lu padang; matumbai kula tama banuangku la kumande sia mangiru’ sia mamma’ sola baineku? La lelukraka tuona puangku sia la leluk dukaraka tuona deatanna puangku, la toyang ia dio mai kaleku la umpogau’i tu susinna to!

2 SAMUEL 12:1

Nasuami PUANG tu Natan male mennolo lako Daud. Malemi mennolo lako datu anna ma’kada nakua: Lan misa’ kota anu den da’dua tau, misa’ sugi’ na misa’ bongko.

2 SAMUEL 5:11

Iatu Hiram, datu Tirus, ussua pesuanna lako Daud umbaa kayu arasi’ sia ba’tu pira-pira pande kayu sia to ma’pa’ batu, anna pabendanan Daud misa’ tongkonan layuk.

2 SAMUEL 6:17

Iatonna baami tau tama tu pattinNa PUANG, napadiomi inanna lan tenda tu napabendananni Daud, napemalaranni Daud tu pemala’ ditunu pu’pu’ sia pemala’ kasalamaran dio oloNa PUANG.

2 SAMUEL 7:17

Susitu mintu’ kada iate sia susitu mintu’ dipaombo’na, susi dukamoto napokada Natan lako Daud.

1 DATU 1:22

Marassan bangsia ma’kada lako datu, pakalan tamami tu nabi Natan.

1 DATU 1:8

Apa iatu to minaa Zadok sia Benaya, anakna Yoyada, na nabi Natan na Simei na Rei sia mintu’ pa’baraninna Daud, tae’ namenturu’ lako Adonia.

1 DATU 4:5

Azarya, anakna Natan, pangulu to maraya; na Zabut, anakna Natan, misa’i to minaa, tu sangmanena datu;

1 DATU 8:17

Bu’tumi lan penaanna Daud, ambe’ku, la umbangunanni misa’ banua tu sanganNa PUANG, Kapenombanna to Israel.

1 OSSORANNA DATU 14:1

Iatu Hiram, datu Tirus, ussua sumbungan pudukna lako Daud umbaa kayu arasi’ sia ba’tu pira-pira pande batu sia pande kayu, anna pabendanan Daud misa’ tongkonan layuk.

1 OSSORANNA DATU 16:1

Iatonna baami tau tama tu pattinNa Puang Matua napatorroi dio tangnga tenda, tu napabendananni Daud, napemalarammi tau iato mai tu pemala’ ditunu pu’pu’ sia pemala’ kasalamaran dio oloNa Puang Matua.

1 OSSORANNA DATU 22:7

Ma’kadami tu Daud lako Salomo nakua: E anakku, lanmo penaangku la umpabendanan misa’ banua sanganNa PUANG, Kapenombangku.

1 OSSORANNA DATU 29:29

Iatu tuna’na Daud, la iatu dolona la iatu undinna, tisura’mo lan tuna’na Samuel, to patanda-tandan, sia nabi Natan sia Gad, to patanda-tandan,

2 OSSORANNA DATU 1:4

Iatu pattinNa Puang Matua inang nabaamo Daud dio mai Kiryat-Yearim lako tu inan mangka naparandananni – belanna mangkamo naballaran Daud misa’ tenda lan Yerusalem,

2 OSSORANNA DATU 29:25

Nasuami tu to Lewi bendan sikandappi’ banuanNa PUANG untangke taa’-taa’, dandi sia katapi, susitu napasan Daud sia Gad, to patanda-tandanna datu sia nabi Natan, belanna iatu pepasan iato Napokada PUANG nalopian tu mai to minaanna.

2 OSSORANNA DATU 9:29

Iatu tang dipokadannapa tu mintu’ tuna’na Salomo, la dolona la undinna, tang tisura’raka lan sura’ tuna’ tu nakarang nabi Natan, sia lan pa’nubua’na Ahia, to Silo, sia lan sura’ patiro mendeatanna Yedo, to patanda-tandan, diona Yerobeam, anakna Nebat?

PA’PUDIAN 132:2

umba nakua umpalao sumpa lako PUANG, sia mangallonan lako Puangna Yakub, Puang Umpoissan angge maritik, kumua:

PA’PUDIAN 132:5

Ke tae’i inan kuappa’ la Nanii PUANG, tu banua la Nanii torro Puangna Yakub, Puang Umpoissan angge maritik.

KATASSURAN 40:21

Nabaami tama kema tu patti iato, anna toke’i tu kulambu dipa’rerungan, narerungi tu patti kasa’bian, susitu Napepasanan PUANG lako Musa.

HAGAI 1:4

Denraka tu attummi la torro lan banuammi tu melo rinding papanna na iate banua iate sanggangpa?

YOHANES 2:17

Tilanta’mi lan penaanna anak gurunNa tu mangka disura’ kumua: Kamakaritutuan lako banuamMi la umpapuru’ penaangKu.

PENGGAURANNA RASULU’ 7:46

Daudmo tu ungkabu’tui pa’kamasean dio mai Puang Matua, napalakui kumua anna ma’din unnalanni inan tu Puangna Yakub.