2 SAMUEL 7:13 - Sura' Madatu

¹³ Iamo la umpabendanan misa’ banua sangangKu na Akumo la umpabantangi tu isungan kadatuanna tontong sae lakona.

2 SAMUEL 7:13 ပူးပေါင်းရင်းမြစ်များ

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

2 SAMUEL 22:51

Iamo umpakapua kadirampananna datunNa, tu umpa’pekitanan kamarurusan lako to Natokko, iamotu Daud sia bati’na tontong sae lakona!

2 SAMUEL 7:16

Iatu banuammu sia kadatuammu la masae lako dio tingayomu, sia isungan kapayungammu la bantang sae lakona.

2 SAMUEL 7:27

Belanna, kamu, o PUANGna mintu’ ma’dandan maritik, Kapenombanna to Israel, umpaombo’i lako pa’peranginna taumMi, Mikua: Aku la umpabendanangko misa’ banua. Iamoto anna potiakka’i penaanna te taumMi la umparampoi te passambayang iate lako oloMi.

1 DATU 2:24

La lelukraka tuoNa PUANG, tu untokkona’ sia umpannisungna’ dao kapayunganna ambe’ku Daud, sia ungkamaseanna’ bati’ lan tongkonan layuk, susitu Naallu’, ke tae’i nadipatei bangsiamo tu Adonia allo iate.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 2:45

Apa na maupa’mora tu datu Salomo sia iatu isungan kapayunganna Daud la bantang tontong sae lakona dio oloNa PUANG.

1 DATU 5:5

Manassamo kusanga la kupabendanan banua tu sanganNa PUANG, Kapenombangku, susitu kadanNa PUANG lako ambe’ku Daud Nakua: Iatu anakmu tu la Kupaunnisung dao isungan kapayungammu ussondako, iamo la umpabendananni banua iato tu sangangKu.

1 DATU 6:12

Iate banua mupabendan, ke lolangko unturu’ mintu’ apa Kupondok, sia umpogau’i tu mintu’ atorangKu sia ungkaritutui tu mintu’ pepasanKu ammu pengkaolai, manassa la Kupamatua tu kadangKu lako kalemu, tu mangka Kupokada lako Daud, ambe’mu,

1 DATU 8:13

Kupasundunmo umbangunni tu banua iato, tu Minii torro, iamotu misa’ inan matontongan tu Minii torro sae lakona.

1 DATU 8:15

Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

1 DATU 8:19

Apa tae’ nala iko la umbangunni tu banua iato, sangadinna anakmu muane tu bu’tu dio mai kalemu, iamo la umbangunanni banua tu sangangKu.

2 DATU 21:4

Sia napabendan duka tu ba’tu pira-pira inan pemalaran dio banuanNa PUANG tu diona a’ganna Napokadamo PUANG Nakua: Lan Yerusalem la Kunii umpaunnisungi tu sangangKu.

2 DATU 21:7

Napabendan duka tu misa’ rapang-rapang dipodeatanna Asyera, tu mangka nagaragai, lan banua, tu mangka Napokada PUANG a’ganna lako Daud sia lako Salomo, anakna muane, Nakua: Lan te banua indete Yerusalem, tu Kupilei langsa’ dio mai mintu’ sukunna to Israel, la Kunii umpaunnisung sangangKu tontong sae lakona.

2 DATU 8:19

Apa tae’ duka nala ussanggangi PUANG tu to Yehuda belanna diona Daud, taunNa, susitu Napokada lako, kumua la Nakamasean misa’ palita, iamotu mai bati’na undinna.

1 OSSORANNA DATU 28:10

Pengkilalai meloi kumua Natonno’ko PUANG la umbangun misa’ banua dipoinan maindan; pabatta’i tu penaammu sia pogau’i to.

2 OSSORANNA DATU 33:4

Nabangun duka tu ba’tu pira-pira inan pemalaran dio banuanNa PUANG, tu diona a’ganna mangkamo Napokada PUANG, Nakua: Lan Yerusalem la nanii tu sangangKu sae lakona.

2 OSSORANNA DATU 6:16

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tang ka’tu tu bati’mu dio oloKu la unnisungi kapayunganna Israel, podo ke ungkaritutui lalanna tu anakMu muane sia unturu’ Sukaran alukKu susi kalolangammu dio oloKu.

AYUB 36:7

tae’ Natampunanni mata tu to malambu’, sangadinna Napaunnisung dao isungan kapayungan sola datu, naurungan matande tongan.

PA’PUDIAN 72:17

Sangapaoi anna tontong sae lakona tu sanganna, ondongpi, ke den siapi tu allo, la maupa’ tu sanganna. Tete dio kalena anna marudindin tu mintu’ bangsa, sia la nasanga kumua rongko’ ia.

PA’PUDIAN 89:21

Kuappa’mo tu Daud, taungKu, sia Kutokko minna’ maseroKu.

PA’PUDIAN 89:29

La Kukaduttu’ tu kamasokanangKu lako kalena tontong sae lakona, sia iatu basseKu sola tang la tileluk:

PA’PUDIAN 89:4

Nakua kadamMi: MangkaMo’ sibasse to Kupilei langsa’, sia basse Kupaallonni sumpa lako Daud, taungKu:

YESAYA 49:8

Nakua kadanNa PUANG: Kutanannimoko talinga lan attu kamasorokan sia Kutunduiko lan attu kamanamanan: la Kurinding pala’ko sia la Kupadadiko basse lako bangsa iato mai, la umpasulei tama dandanna tu padang iato sia napourungi umpoapa polei sule tu padang mana’ talona tau iato mai,

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YEREMIA 33:17

Belanna nakua kadanNa PUANG: Tae’ nala ka’tu len dio mai Daud tu misa’ tau tu la unnisung dao isungan kapayunganna to Israel;

YEHEZKIEL 37:25

Anna torro lan tondok Kukamasean Yakub, taungKu, tu mangka nanii torro nene’ to dolona; manassa la torro lan, la tau iato mai la anakna la mintu’ lanto mimi’na sae lakona, na Daud, taungKu, la napoarung sae lakona.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

ZAKHARIA 6:12

sia ma’kadako lako, mukua: Inde sia tu kadanNa PUANGna mintu’ ma’dandan maritik, Nakua: Manassa la den misa’ muane diganti Taruk. Iamo la tuo diong mai inanna sia iamo la umbangunni tu Banua kabusunganNa PUANG.

ZAKHARIA 6:13

Ondongpi Iamo la umbangunni tu Banua kabusunganNa PUANG sia la umpopake kamala’biran sia la unnisung dao isungan kapayunganna butung to ma’parenta dao isungan kapayunganna. Dio kananna la den misa’ to minaa anna iatu kada situru’, tu umpabu’tu kasalamaran naparitangnga sola duai.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

IBRANI 3:3

Belanna dibilang pato’mo Ia untarima kamala’biran losong anna Musa, susito umbangun banua losong dipakala’bi’ na banua.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.