2 SAMUEL 7:12 - Sura' Madatu

¹² Iake upu’mi tu allomu, sia ka’tu angin dipudukmu musanginanmo nene’ to dolomu, iamoto angKu patulangdanni tu bati’mu la ussondako, iamoto sun dikalemu, angKu pabantangi tu kadatuanna.

2 SAMUEL 7:12 ပူးပေါင်းရင်းမြစ်များ

KADADIAN 15:4

Ta’kala saemi tu kadanNa PUANG lako kalena Nakua: Tangia tau iato la umpomana’ barang apammu, sangadinna misa’ to sun dilassakmu tu la umpomana’ barang apammu!

2 SAMUEL 22:51

Iamo umpakapua kadirampananna datunNa, tu umpa’pekitanan kamarurusan lako to Natokko, iamotu Daud sia bati’na tontong sae lakona!

1 DATU 1:21

Iake tae’i nasusito, la nakuanna’ tau sola Salomo, anakku, to pabali-bali, ke tamamokomi batu dilobang dipasola nene’ to dolomi.

1 DATU 1:48

Sia ma’kada tu datu susite nakua: Mintu’ kadipudian lu langngan nasang PUANG, Kapenombanna to Israel, tu allo iate umpa’kamasean misa’ to unnisungi kapayungangku, tu natiro kalenamo matangku.

1 DATU 2:1

Iatonna la madomi’mo nalambi’ lampakna tu Daud, napasanmi lako Salomo, anakna, nakua:

1 DATU 2:10

Malemi tu Daud tama batu dilobang sola nene’ to dolona, anna dipeliang lan kotana Daud.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

1 DATU 5:5

Manassamo kusanga la kupabendanan banua tu sanganNa PUANG, Kapenombangku, susitu kadanNa PUANG lako ambe’ku Daud Nakua: Iatu anakmu tu la Kupaunnisung dao isungan kapayungammu ussondako, iamo la umpabendananni banua iato tu sangangKu.

1 DATU 8:15

Sia ma’kada nakua: Mintu’ kadipudian lu langngan PUANG, Kapenombanna to Israel, tu mangka umpasundunni tu apa mangka Nasa’bu’ randan dipudukNa lako Daud, ambe’ku, Nakua:

1 DATU 8:19

Apa tae’ nala iko la umbangunni tu banua iato, sangadinna anakmu muane tu bu’tu dio mai kalemu, iamo la umbangunanni banua tu sangangKu.

1 DATU 8:20

Naparampo randannamo PUANG tu kada mangka Napokada, belanna tunannangmo’ ussonda Daud, ambe’ku, sia unnisungmo’ dao isungan kapayunganna Israel, susitu kadanNa PUANG, sia iate banua iate kubangunammo sanganNa PUANG, Kapenombanna to Israel.

1 DATU 9:5

manassa la Kupabantang tu isungan kadatuammu umparenta to Israel tontong sae lakona, susitu kadangKu lako Daud, ambe’mu, kumua: tae’ len nala ka’tu dio mai kalemu tu misa’ tau tu la unnisung dao kapayunganna Israel.

2 DATU 8:19

Apa tae’ duka nala ussanggangi PUANG tu to Yehuda belanna diona Daud, taunNa, susitu Napokada lako, kumua la Nakamasean misa’ palita, iamotu mai bati’na undinna.

1 OSSORANNA DATU 17:11

Iake upu’mi tu allomu, ammu sanginanmo nene’ to dolomu, Aku la umpatulangdanni tu bati’mu la ussondako, sala umbanna tu anakmu muane misa’, sia Aku la umpabantangi tu kadatuanna.

2 OSSORANNA DATU 1:9

Totemo, o PUANG Kapenomban, la dadi tonganmo tu kadamMi lako ambe’ku Daud, belanna Miangka’mo’ datu umparenta misa’ bangsa makamban, susi barra’-barra’ dao kuli’na padang.

2 OSSORANNA DATU 13:5

Tang miissanraka, kumua iatu PUANG, Kapenombanna to Israel, ussorongan kadatuan Israel lako Daud sae lakona la ia, la ia tu mai bati’na, umpobasse sia?

2 OSSORANNA DATU 21:7

Apa iatu PUANG tae’ namorai ussabu’i tu bati’na Daud tu diona basse Natanan sola Daud, belanna mangkamo Napokada, kumua la Nakamasei Puang misa’ palita sae lakona tu kalena sia mintu’ anakna.

2 OSSORANNA DATU 23:3

Attu iato untananmi basse tu mintu’ kombongan sola datu lan banuanNa Puang Matua, anna ma’kada (tu Yoyada) lako tau iato mai nakua: Manassa anakna datu la ma’parenta, susitu mangka Napokada PUANG diona bati’na Daud.

2 OSSORANNA DATU 6:15

Sia tu umpalanda’i lako taumMi Daud, ambe’ku, tu apa mangka Mipokadanni, ondongpi Mipasundunmo tu apa mangka nasa’bu’ randan dipudukMi, susite allo totemo.

2 OSSORANNA DATU 6:9

Apa tae’ nala iko la umbangunni tu banua iato, sangadinna anakmu muane, tu sun dikalemu, iamo la umbangunanni banua tu sangangKu.

PA’PUDIAN 89:29

La Kukaduttu’ tu kamasokanangKu lako kalena tontong sae lakona, sia iatu basseKu sola tang la tileluk:

YESAYA 11:10

Allo ia dukato anna iatu taruk uaka’na Isai la tulangdan napobate-bate mintu’ bangsa sia la napengkaa’i mintu’ to sangpetayanan; sia iatu inan nanii mari’pi la mala’bi’.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YEREMIA 33:17

Belanna nakua kadanNa PUANG: Tae’ nala ka’tu len dio mai Daud tu misa’ tau tu la unnisung dao isungan kapayunganna to Israel;

DANIEL 12:2

Anna buda tu to matindomo lan lipu daenan, la malimbangun sule, den lu lako katuoan sae lakona, den lu lako kaditattan, iamotu apa megi’giran sae lakona.

MATIUS 1:1

Inde sia tu ossoran nene’Na Yesu Kristus, anakna Daud, anakna Abraham.

LUKAS 1:32

Iamo la kapuanna sia la digente’ Anak Puang Patodoranna sia la Nasorong Puang Kapenombanta lako Kalena tu isungan kapayunganna Daud nene’Na.

LUKAS 24:27

Naparanduk diomi mai Musa sia mintu’ nabi Nabattuananni lako tu dipokadanna lan mintu’na sura’ diona Ia.

PENGGAURANNA RASULU’ 13:36

Belanna iatonna mangkamo Daud umpogau’ pa’poraianNa Puang Matua tonna linona, matemi anna dipeliang dio sa’dena nene’ to dolona, naburuk.

PENGGAURANNA RASULU’ 2:30

Apa belanna ia misa’ nabi anna issanni tu Nasibasseinna Puang Matua kumua misa’ to sun dikalena, tarukna la Napaunnisung dao isungan kapayunganNa,

1 KORINTUS 15:51

Pengkilalai, kupaissanangkomi rasia kumua: iate kita sola nasang, tae’ tala ussalai lino, apa dipopembali nasangki’,

PA’TOLE 31:16

Ma’kadami tu PUANG lako Musa, Nakua: Manassa la malemoko tama batu dilobang dipasola nene’ to dolomu, na iatu bangsa iate la male unturu’ kapenomban senga’na tondok, tu nanii tama, susito pasandak salu lako rampanan kapa’ sia la umboko’iNa’ sia umpoka basseKu, tu mangka Kutanan sola.

1 TESALONIKA 4:14

Belanna iake tapatonganni kumua mangkamo mate tu Yesu sia malimbangunmo sule, ten dukamoto tu to si sarak angin dipudukna la Nakaloli’ Puang Matua tete dio Yesu.