2 SAMUEL 7:10 - Sura' Madatu

¹⁰ Sia la Kupamanassan misa’ inan tu taungKu, to Israel, Kupamari’pii inde to, kumua anna torro dio inan manassa, da nadipatiramban lu lako lu dio mai sia da duka napakario-rioi to bulituk, susi tonna dolona,

2 SAMUEL 7:10 ပူးပေါင်းရင်းမြစ်များ

2 DATU 21:8

Tae’mo Kula umpatengkai tu lette’na to Israel lan mai tondok tu mangka Kukamasean nene’ to dolona, podo ke nakaritutui tu mintu’ apa Kupasan lako sia mintu’ sukaran aluk tu mangka napasan Musa, taungKu, lako tau iato mai.

1 OSSORANNA DATU 17:9

Sia la Kupamanassan misa’ inan tu taungKu, to Israel angKu pamari’pii ma’tondok inde to dio, kumua namanassa tu naninna siamo torro, da nadipatiramban lu lako lu dio mai, sia da duka napa’dikki to ma’pakario-rio, susi tonna dolona,

2 OSSORANNA DATU 33:8

Tae’mo Kula umpatengkai tu lette’na to Israel lan mai tondok mangka Kupamanassan nene’ to dolomi napomana’, podo ke nakaritutui tu mintu’ apa Kupasananni, iamotu mintu’ sukaran aluk sia apa dipondok sia mintu’ atoran, tu mangka naparampo Musa lako kalena.

PA’PUDIAN 44:2

O Puang Matua, talingangki kalenamo urrangii, sia nauleleanmo nene’ to doloki: Tu penggauran kapua tu mangka Mipogau’ tonna linona, iamo tonna dolo-dolona.

PA’PUDIAN 44:4

Belanna tae’ natete dio bassi mataranna anna poapai tu padang iato, sia tangia limanna kalena umpopataloi tu tau iato mai, sangadinna tete dio lima kananMi sia takia’Mi sia arrang lindoMi. Belanna naala penaamMi tu tau iato mai.

PA’PUDIAN 80:8

O Kapenombanna mintu’ ma’dandan maritik, pasulekanni tama dandanki, paparrangi tu lindoMi, angki dilendokan.

PA’PUDIAN 80:9

Mibuakmo sia Mipalengka’ tu sangto’ anggoro’ dio mai tana Mesir, ammi ula’i lao tu mintu’ bangsa, Mitananni tu kayu iato.

KATASSURAN 1:22

Mesuami tu Firaun lako mintu’ taunna, nakua: Mintu’ tu pia muane la dadi, tae’ mitang la umpembuanganni rokko salu Nil, apa iatu mintu’ pia baine patuoi.

KATASSURAN 15:17

Kamu ussolanni tama tu tau iato mai, amMi patunannangi dao buntu mana’Mi; o PUANG, dio inan Mipadadi kao’koramMi, dio inan maindan, tu Mipabendan, o Puang.

YESAYA 5:2

Mangkamo nakali sia napaserei tu mintu’ batu, anna tananni anggoro’ ballo sia napabendan tu misa’ lantang petayanan lan tangngana sia napa’ tu pa’parran anggoro’ lan; ma’peagi-agi bangmi kumua ba’tu la melo siai tu bua anggoro’na, apa membua langga’ manna.

YESAYA 5:7

Iatu pa’lak anggoro’Na PUANGna mintu’ ma’dandan maritik iamotu bati’na Israel na iatu mintu’ to Yehuda iamo misa’ tananan Naposende; untayan parenta malambu’, apa to’doan raraora; umpeagi kamalamburan, apa kamarukkanora narampoi.

YESAYA 60:18

Tae’mo dirangi len tu kama’parukuan lan tondokmu, ba’tu kasanggangan sia kamasolangan lan lili’mu, sangadinna iatu benteng tembo’mu la mugente’ kasalamaran sia iatu babangammu Kama’pudian.

YESAYA 60:21

Iatu taummu la malambu’ sola nasang sia la umpomana’i te padang iate sae lakona; iamotu misa’ taruk tu Kutanan kalena, misa’ pengkarang limangKu, dikua anna pakala’bi’Na’.

YEREMIA 18:9

Denno pissan attunna angKu paolai salunna tu misa’ bangsa sia misa’ kadatuan la umbangunni sia la umpondokki.

YEREMIA 24:6

Sia la Kutiro tu tau iato mai tu la napomelona, sia la Kupasule tama tondok iate, sia la Kubangun tang la Kurondonni sia la Kutanan tang la Kudu’dukki.

YEHEZKIEL 28:24

Apa iatu to Israel tae’mo duri la untossokki ba’tu a’da’ la umpa’di’i dio lu mintu’ tau untikui, tu umpamatunai. Anna tandai tau iato mai kumua Akumo tu Puangta PUANG.

HOSEA 2:18

Sia la Kupotumaiko tontong sae lakona, la Kupotumaiko tete dio kamaloloan sia unnola salunna, tete dio kamasokanan sia kamamasean.

AMOS 9:15

Attu iato la Kutanan tu tau iato mai lan lu padangna, sia tae’mo nala dilampi’i len lan mai padang, tu mangka Kukamaseanni, kadanNa PUANG, Kapenombammu.

KADA OMBO’ LAKO RASULU’ YOHANES 21:4

Sia Ia la umpa’dii tu mintu’ uai matanna tau iato mai, tae’mo anna la den kamatean ba’tu pote dibolong, ba’tu katumangiran ba’tu kamaparrisan tae’ dukamo, belanna mintu’ tu apa pamulanna lanna’ nasangmo.

TO PARENGNGE’ 4:3

Meongli’mi tu to Israel lako PUANG, belanna iatu Sisera iato unnampui kasera ratu’na kareta parari bassi sia napakario-rio tongan tu to Israel situang kamasa’garanna lan duangpulo taunna.

1 SAMUEL 13:17

Tassu’mi lan mai to’ tenda to Filistin sangbaanan surodadu mangrampa dipatallung tuntunan, iatu sangtuntunan unnolai lalan lako Ofra, ma’palulako lili’na Syual.