2 SAMUEL 6:5 - Sura' Madatu

⁵ Iatu Daud sola mintu’ to Israel ma’marua’-rua’ dio oloNa PUANG, umpannoni ma’rupa-rupa (oni-onian) kayu sapuko, iamotu katapi, dandi, ganda’-ganda’, giring-giring sia taa’-taa’.

2 SAMUEL 6:5 ပူးပေါင်းရင်းမြစ်များ

2 DATU 3:15

Totemo suami mai tu misa’ pa’katapi. Iatonna umpannoni katapinna tu pa’katapi, narampoimi kamatotoranna limanNa PUANG tu Elisa.

1 OSSORANNA DATU 13:8

Iatu Daud sola mintu’ to Israel ma’marua’-rua’ tongan unnondo dio oloNa Puang Matua napasiala nanian sia to umpannoni katapi, dandi, ganda’-ganda’, taa’-taa’ sia tarompe’.

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

2 OSSORANNA DATU 20:28

Malemi lako Yerusalem tama banuanNa PUANG umbaa dandi, katapi sia tarompe’.

PA’PUDIAN 47:5

Ia untonnorangkan mana’, iamotu tana napomala’bi’ Yakub, to Napakaboro’. Sela

DANIEL 3:10

Kamu, o datu, mipa’parentammo, kumua mintu’ to urrangii tu oni tarompe’, suling, katapi, su’dekan, dandi sia sulingrapi’ sia mintu’ oni-onian, la lumbang sae rokko padang la umpenombai tu rapang-rapang dipodeata bulaan iato,

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

DANIEL 3:5

Iake mirangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang bulaan, tu napabendan datu Nebukadnezar.

DANIEL 3:7

Iamoto iatonna rangimi mintu’ bangsa sia to sangpetayanan sia to ma’rupa-rupa basana tu oni tarompe’, suling, katapi, su’dekan sia dandi sia ma’rupa-rupa oni-onian ta’pa lumbangmi sae rokko padang tu mintu’ bangsa, sia to sangpetayanan sia to ma’rupa-rupa basana umpenombai tu rapang-rapang bulaan iato, tu napabendan datu Nebukadnezar.

AMOS 5:23

Patoyangi dio mai Kaleku tu arrak naniammu, tae’ Kuporai urrangii tu oni dandimmu.

AMOS 6:5

Tu unnarrak-arrak unturu’ oni dandi sia ma’tangnga’-tangnga’ unggaragai oni-onian, susi Daud.

1 SAMUEL 10:5

Mangkato la rampoko lako GibeaNa Puang Matua, tu nanii pa’kampan to Filistin. Iake tamako kota, ta’pa la sitammuko sangtuntunan nabi solo’ dao mai inan madao nadoloan to sibaa dandi sia ganda’-ganda’ sia suling sia su’dekan, anna tiakka’ penaanna ma’nubua’.

1 SAMUEL 16:16

Melo ke mipa’parentanni lako taummi, tu mase’ponna dio kalemi, undaka’ misa’ to manarang ma’katapi. Na iake saei tu penaa kadake lu dio mai Puang Matua urrampoikomi, ma’din napannoni to, ammi matana.