2 SAMUEL 6:22 - Sura' Madatu

²² Ondongpi manduna’ la umpamadiongan kaleku anna iate sia la kutiro madiongan tu kaleku; na iatu kaunan baine tu mupokada, tau ia dukamoto mai tu la kunii unnappa’ kamala’biran.

2 SAMUEL 6:22 ပူးပေါင်းရင်းမြစ်များ

KADADIAN 32:10

Iatu aku te tae’ angku sipatu la unnappa’ kameloan sia kamarurusan moi sidi’ duka, tu Napa’ pekitanan Puang lako kaunanMi, belanna tekkenku manna kubaa ullambanni te salu Yordan, na totemo menduang tuntunammo.

2 SAMUEL 6:21

Ma’kadami Daud lako Mikhal, nakua: Dio oloNa PUANG, tu untonno’na’ ussonda ambe’mu sia mintu’ bati’na, Napadadimo’ arungna mintu’ taunNa PUANG, iamotu to Israel, iamoto angku ma’marua’-rua’ dio oloNa PUANG.

2 SAMUEL 6:23

Iatu Mikhal, anakna Saul, tang sitiro lolo tau sae lako matena.

AYUB 40:4

Susiraka takia’Na Puang Matua tu takia’mu, sia ma’dinraka tu gamarammu gumaluntu’ susi gamaranNa Puang?

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

PA’PUDIAN 131:1

Nanian Hamaa’lot. Pa’pudianna Daud. O PUANG, tae’ anna matampo tu penaangku, sia tae’ anna mentiro dao tu matangku, tae’ duka angku daka’ apa kapua, ba’tu apa tarru’ kalle-kalleanna lako kaleku.

YESAYA 50:6

Kupopa’elo’na tu boko’ku lako to umbambana’ sia popoku lako to urrotakki sambangku; sia tae’ kutampunni tu lindoku dilo’bo sia ditittudui.

YESAYA 51:7

PerangiiNa’, e kamu to untandai kamaloloan, e bangsa unnanna rara’ Sukaran alukKu lan penaanna. Da mikataku’i tu pelo’bona tolino sia da mipotirambanni tu pebe’sena tau iato mai.

MARKUS 14:66

Iatonna diong padang tu Petrus dio tarampak banua kombongan kalua’na Ada’, saemi misa’ baine rurananna Tominaa Kapua.

1 TIMOTIUS 1:15

Manappa’ te kada iate sia sipatu tongan ditarima, tu nakua: saemo tu Kristus Yesu tama te lino ungkarimmanni to kasalan; na iatu mintu’na tau iato, akumo tu losongna kasalan.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

1 PETRUS 4:14

Iake ditellekomi belanna sanganNa Kristus, maupa’komi, apa Natorroikomi tu Penaa kamala’biran, iamotu PenaanNa Puang Matua untorroikomi.

1 PETRUS 5:6

Iamoto la mipamadiongan tu kalemi diong to’ lima matoto’Na Puang Matua umpoissan angge maritik, anNa pamalangka’komi ke attunNami.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.