2 SAMUEL 6:20 - Sura' Madatu

²⁰ Iatonna sule tu Daud la umpassakke to lan tongkonan layukna, tassu’mi tu Mikhal, anakna Saul sitammu Daud, anna ma’kada nakua: Lendu’ ia dipakala’bi’na tu datu to Israel allo iate, nalossokan tu pakeanna allo iate dio tingayona mintu’ kaunan baine tu napokaunan to mase’ponna datu, butung misa’ to tang unnangga’ kalena sia tang masiri’ ullossokan pakeanna!

2 SAMUEL 6:20 ပူးပေါင်းရင်းမြစ်များ

KADADIAN 18:19

Belanna mangkamo Kuturo ta’ba, dikua anna patudui tu mai anakna sia bati’na, la ungkaritutui lalanNa PUANG, la umpogau’ kamaloloan sia kamalamburan anNa palanda’i PUANG lako kalena tu apa mangka Napokadanni.

2 SAMUEL 6:14

Tumbang-tumbangmi tu Daud dio oloNa PUANG sia ma’bayu lenang busa.

2 SAMUEL 6:16

Iatonna rampomo tu pattinNa PUANG tama kotana Daud, ta’kala mentiromi tu Mikhal, anakna Saul, dao mai pentiroan banuanna. Iatonna tiromi tu datu Daud tumbang-tumbang sia unnondo dio oloNa PUANG, nasayumi lan penaanna.

2 SAMUEL 6:18

Iatonna upu’mo tu Daud umpemalaran pemala’ ditunu pu’pu’ sia pemala’ kasalamaran, napassakkemi tu mintu’ tau tete dio sanganNa PUANGna mintu’ ma’dandan maritik.

2 SAMUEL 6:19

Nataaimi tu mintu’ tau, iamotu mintu’ kasirampunanna to Israel, la muane la baine, pantanni roti, sisangbatu sia duku’ sisangira’ sia deppa bua anggoro’ simisa’, anna pantan sule tu tau iato mai lako banuanna.

1 OSSORANNA DATU 16:43

Iatonna attu iato pantan sulemi tu mintu’ to buda lako to’ banuanna, sia iatu Daud sulemo la umpassakke mintu’ to lan banuanna.

AYUB 30:8

baga, ondongpi to tang dibilang, tu dilolai lan mai tondok.

PA’PUDIAN 101:2

La kukaritutui tu kaleku unnola gau’ masallo’. Piranra amMi la rampo lako kaleku? La lolang ma’bulo lollongna’ lan banuangku.

PA’PUDIAN 30:1

Pa’pudian dipopenani ma’kure sumanga’ urrara banua kabusunganNa Puang Matua. Pa’pudianna Daud.

TOMANGADA’ 7:17

Da mutarru’ tang mekaaluk sia da mubaga; ma’apai mula matemo, natae’pa nalambi’i attunna?

MARKUS 14:66

Iatonna diong padang tu Petrus dio tarampak banua kombongan kalua’na Ada’, saemi misa’ baine rurananna Tominaa Kapua.

MARKUS 3:21

Iatonna rangimi sangdadianNa tu iannato, sunmi la unnalai, belanna nakua: katama-taman.

YOHANES 13:6

Namane sae lako Simon Petrus. Nakuami tu Petrus lako: O Puang, ma’apai anna Kamu la umbasei lentekku?

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

TO PARENGNGE’ 9:4

Nabenmi pitungpulo sikele’ salaka lan mai banua kabusunganna Baal-Berit, napassaroanni Abimelekh tu doi’ iato lako ba’tu pira-pira passolle’ sa’ga’, anna turu’i.

1 SAMUEL 14:49

Iatu muane anakna Saul iamotu Yonatan sia Yiswi sia Malkisua na iatu anakna baine da’dua disanga Merab tu pa’bunga’na, na Mikhal tu tampakna.

1 SAMUEL 18:20

Apa iatu Mikhal, anakna Saul ungkabudai Daud. Iatonna parampoi tau lako Saul tu iannato, nakalo’mi penaanna.