2 SAMUEL 6:2 - Sura' Madatu

² Mangkato ke’de’mi tu Daud sola tu mintu’ to nasolan dio mai Baale-Yehuda, la umbaai inde to diong mai tu pattinNa Puang Matua, tu dinii ussa’bu’ sanga iato, iamotu sanganNa PUANGna mintu’ ma’dandan maritik, tu unnisung dao karubion.

2 SAMUEL 6:2 ပူးပေါင်းရင်းမြစ်များ

2 SAMUEL 22:11

Ussakeimi karubion Namettia’, sia payan dao pani’ angin.

PA’PUDIAN 80:1

Lu lakona pangala sengo. Unturu’ baenan sengo bunga bakung. Kasa’bianna Asaf. Misa’ pa’pudian.

PA’PUDIAN 99:1

PUANG tu untoe kapayungan – la ma’parondo mintu’ bangsa. Ia unnisungi karubion la rumonting te lino.

YESAYA 47:4

Iatu sanganna Pela’bakta, iamo PUANGna mintu’ ma’dandan maritik. To maserona to Israel.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

YOSUA 15:60

Kiryat-Baal iamo tu Kiryat-Yearim sia Raba; da’dua tu kota iato sola kampongna.

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

1 SAMUEL 4:4

Disuami tu tau lako Silo, anna baai dio mai tu patti basseNa PUANGna mintu’ ma’dandan maritik, tu unnisung dao karubion; na iatu anakna Eli sola duai, iamotu Hofni na Pinehas dio sola tu patti basseNa Puang Matua.

1 SAMUEL 6:21

Nasuami tu pesua lako to Kiryat-Yearim umpokadai kumua: Nabaamo to Filistin sule tu pattinNa PUANG, malekomi rokko ammi baai diong mai.

1 SAMUEL 7:1

Saemi tu to Kiryat-Yearim unnalai tu pattinNa PUANG, anna baai langngan banuanna Abinadab, tu dao tanete, anna pamaindanni tu Eleazar, anakna, anna ia ungkampai tu pattinNa PUANG.