2 SAMUEL 6:19 - Sura' Madatu

¹⁹ Nataaimi tu mintu’ tau, iamotu mintu’ kasirampunanna to Israel, la muane la baine, pantanni roti, sisangbatu sia duku’ sisangira’ sia deppa bua anggoro’ simisa’, anna pantan sule tu tau iato mai lako banuanna.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Iatonna upu’mo tu Daud umpemalaran pemala’ ditunu pu’pu’ sia pemala’ kasalamaran, napassakkemi tu mintu’ tau tete dio sanganNa PUANGna mintu’ ma’dandan maritik.

2 SAMUEL 6:20

Iatonna sule tu Daud la umpassakke to lan tongkonan layukna, tassu’mi tu Mikhal, anakna Saul sitammu Daud, anna ma’kada nakua: Lendu’ ia dipakala’bi’na tu datu to Israel allo iate, nalossokan tu pakeanna allo iate dio tingayona mintu’ kaunan baine tu napokaunan to mase’ponna datu, butung misa’ to tang unnangga’ kalena sia tang masiri’ ullossokan pakeanna!

1 DATU 8:66

Iatonna allo ma’pengkaruamo nasuami male tu to buda, anna palakuanni tau iato mai kamasakke-sakkean tu datu, namane sule lako tendana, parannu sia sende-sende diona kameloan, tu Napogau’ PUANG lako Daud, taunNa, sia lako to Israel, taunNa.

1 OSSORANNA DATU 16:3

Anna taai tu mintu’ to Israel, la muane la baine, pantanni roti sisangbatu, duku’ sisangira’ sia deppa bua anggoro’ simisa’.

1 OSSORANNA DATU 16:43

Iatonna attu iato pantan sulemi tu mintu’ to buda lako to’ banuanna, sia iatu Daud sulemo la umpassakke mintu’ to lan banuanna.

2 OSSORANNA DATU 30:24

Belanna iatu Hizkia, datu Yehuda, umpa’kamasean sapi laki sangsa’bu na domba sola bembe’ pitungsa’bu lako kombongan; na iatu mintu’ pangulu umpa’kamasean sapi laki sangsa’bu na domba sola bembe’ sangpulo sa’bunna lako kombongan. Buda dukami to minaa umpamasero kalena.

2 OSSORANNA DATU 7:10

Iatonna allo ma’penduangpulona ntallu bulan ma’pempitu, naelorammi datu tu to buda sule lako tendana, siparannu-rannu sia matana penaa diona kameloan Napogau’ PUANG lako Daud sia Salomo sia lako to Israel, taunNa.

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

PA’TENDENG BALLO 2:5

Tangka’na’ deppa bua anggoro’, papayana’ bua lemo datu, belanna ma’ipuna’ napobua’ kamamaliran.

YEHEZKIEL 45:17

Apa iatu passanan tengkona arung la umbaa pemala’ ditunu pu’pu’, kande dipemalaran sia pemala’ pantedok, ke pa’gauran sia ke bulan ba’rui sia allo katorroan, iatu mintu’ allo madatunna to Israel. Sipatu la napennoloan tu suru’ pengkalossoran, iatu kande dipemalaran, iatu pemala’ ditunu pu’pu’ sia iatu pemala’ kasalamaran la umpadenanni pengkalossoran tu mintu’ to Israel.

HOSEA 3:1

Ma’kadami tu PUANG lako kaleku Nakua: Male pole’ko, mupakaboro’ misa’ baine, tu unneloran kalena napakaboro’ to senga’, anna pasandak salu lako rampanan kapa’, susi PUANG umpakaboro’ to Israel, tu mentingo lako kapenomban senga’ sia umporai deppa bua anggoro’.

PENGGAURANNA RASULU’ 20:35

Mintu’na kunii nasangmo umpakitangkomi sangka’ umba la mikua umposara’i untundui tu mai to langga’, sia umpalan ara’ kadanNa Yesu, tu Ia kalena umpokadai Nakua: Ondong ia dipomaupa’ tu mamengan na iatu diben.

EFESUS 4:8

Iamoto anna kua lan Sura’ Madatu: Iatonna kendek langngan Narampa sia Nakaloli’ tu mai to dirampa, sia mangkamo umpa’kamasean ba’tu pira-pira pamengan lako tolino.

YOSUA 22:6

Napassakkemi Yosua tu tau iato mai, anna suai male. Sulemi lako to’ tendana.