2 SAMUEL 6:14 - Sura' Madatu

¹⁴ Tumbang-tumbangmi tu Daud dio oloNa PUANG sia ma’bayu lenang busa.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Susimoto tu Daud sola mintu’ to Israel umbaai langngan tu pattinNa PUANG unnarrak-arrak sia umpannoni napiri tanduk.

2 SAMUEL 6:20

Iatonna sule tu Daud la umpassakke to lan tongkonan layukna, tassu’mi tu Mikhal, anakna Saul sitammu Daud, anna ma’kada nakua: Lendu’ ia dipakala’bi’na tu datu to Israel allo iate, nalossokan tu pakeanna allo iate dio tingayona mintu’ kaunan baine tu napokaunan to mase’ponna datu, butung misa’ to tang unnangga’ kalena sia tang masiri’ ullossokan pakeanna!

1 OSSORANNA DATU 15:27

Iatu Daud ma’bayu lamba’ lenang melo, susi duka tu mintu’ to Lewi, tu umbulle patti, to menani na Kenanya, tu umpangului to menani, tonna dipalele tu patti; na iatu Daud ma’bayu lenang.

PA’PUDIAN 149:3

La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 150:4

Pudimi ganda’-ganda’ ammi ma’gellu’! Pudimi paningoan diritii sola suling!

PA’PUDIAN 30:11

Patanannina’ talinga, o PUANG, sia kamaseina’, o PUANG, melo ke Kamumo patunduangku.

PA’PUDIAN 87:7

Na iatu to sumengo sia iatu to sumayo la ma’kada kumua: O Sion lan lili’mu tu nanii mintu’ kalimbuang bobaku!

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

KATASSURAN 15:21

Natindokmi Miryam tu penanianna tau iato mai, nakua: Menanimokomi umpudi PUANG, belanna matande tongan tu kamala’biranNa; Napembuangan tu darang sia to ussakei tama tasik.

KATASSURAN 19:6

Kamumo la dadi misa’ kadatuan to minaa sia misa’ bangsa dipamarimbangan dio oloKu. Iate kada iate la mupokada lako mintu’ to Israel.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YEHEZKIEL 46:10

Na iatu arung la naparitangnga tau iato mai, ke malei tama, sia iake tassu’i tu tau iato mai, la tassu’ duka.

LUKAS 15:25

Iatu anak pa’bunga’na dio lu pa’lak; tonna saemo mandappi’mo lako to’ banua narangii tu to ma’gandang sia to manimbong;

PA’TOLE 6:5

La ponno penaammu sia mintu’ deatammu sola mintu’ kamatotorammu la ungkamali’ PUANG, Kapenombammu.

KOLOSE 3:23

Apa mipogau’, karang tongan-tonganni, susitu lu lakoNa Puang, tangia lu lako tolino,

TO PARENGNGE’ 11:34

Iatonna sulemo tu Yefta lako Mizpa, lako to’ banuanna, natiroi tassu’mo tu anakna umpessitammui, umpannoni ganda’-ganda’ sia ma’gellu’. Iamo anak tungga’na, tae’mo anak senga’na la muane la baine.

TO PARENGNGE’ 21:21

Tiro meloi, ianna tassu’ tu pia baine dio mai Silo la ma’gellu’, tassu’mokomi lan mai to’ pa’lak anggoro’, ammi pada unnalai simisa’ tu pia baine Silo la mipobaine, mimane sule lako tondok Benyamin.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.

1 SAMUEL 2:28

Kutonnorammo Kaleku dio lu mintu’ suku to Israel la dadi to minaa, kumua anna kendek langngan inan pemalarangKu, sia la untunu dupa sia umpake epo’ dio oloKu, sia lako to lan banuanna ambe’mu Kubenmo tu mintu’ pemala’ ditununna to Israel.

1 SAMUEL 22:18

Nakuami datu lako Doëg: Iamo, rokki tu mintu’ to minaa iato. Malemi lako tu Doëg, to Edom, narokki tu mintu’ to minaa, napatei to allo iato tu muane karuapulona llima tu ma’bayu lamba’ mabusa.