2 SAMUEL 5:24 - Sura' Madatu

²⁴ Iake murangii tu tengka dao lolok baka, la madongi’ko, belanna attu iato tassu’mo tu PUANG undoloangko la untaloi tu surodadu to Filistin.

2 SAMUEL 5:24 ပူးပေါင်းရင်းမြစ်များ

2 SAMUEL 5:23

Napekutanammi Daud lako PUANG, anNa ma’kada tu Puang Nakua: Da mulaoi dio mai tingayo, tigirikko ammu tamai boko’i, muurunganni ullaoi dio mai to’ garonto’ baka.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

1 OSSORANNA DATU 14:15

Iake murangii tu oni butung to tumengka dao lolok pinu’, la maleoko sirari, belanna attu iato tassu’mo tu Puang Matua undoloangko, la untaloi tu surodadu to Filistin.

TO PARENGNGE’ 4:14

Ma’kadami tu Debora lako Barak nakua: Ke’de’moko, belanna allo iate Nasorongi PUANG tu Sisera tama limammu; tang PUANG raka male undoloangko? Solo’mi tu Barak dao mai buntu Tabor sisola tu to sangpulo sa’bu undi urrundu’i.

TO PARENGNGE’ 7:15

Iatonna rangimi Gideon tu uleleanna tindo iato sola sembangna, tukkumi menomba anna sule lako to’ tenda surodadunna to Israel, anna ma’kada, nakua: Millikmokomi, belanna Nasorongmo PUANG tu to’ tenda surodadu tama limammi.