2 SAMUEL 5:21 - Sura' Madatu

²¹ Natampemi tau iato mai tu mintu’ rapang-rapang dipodeatanna, anna alai Daud sola mintu’ taunna.

2 SAMUEL 5:21 ပူးပေါင်းရင်းမြစ်များ

YESAYA 37:19

Na iatu deatanna napembuangan tama api, belanna tangia deata, sangadinna panggaraga tolino bangsia, kayu sia batu nagaraga, iamoto anna sanggangi.

YEREMIA 43:12

Sia la umpadukku api lan mintu’ banua deata to Mesir sia nasumpun sia narampa tu rapang-rapang dipodeatanna, sia napessambu’ tu tana Mesir, susito misa’ pangkambi’ ma’lullung, anna sun marampa’ inde to dio mai.

YEREMIA 48:7

Belanna murannuan tu panggaragammu sia iananmu, iamoto narampako ualimmu, sia iatu Kamos la male pada dipali’, mintu’ to minaanna sia mintu’ arungna.

DANIEL 11:8

Ondongpi, sae lako rapang-rapang dipodeatanna sola rapang-rapang dipodeata dipati’no’na sia pareanan keangga’na, iamotu salaka sia bulaan, la nabaa lako Mesir butung pangrampa; sia ba’tu pirang-pirang taun tae’ nala sirari datu rampe Daanna lu.

PA’TOLE 7:25

Iatu rapang-rapang dipodeata dipa’na la miballa; iatu salaka sia bulaan dio rapang-rapang dipodeata iato da mukailui sia da mualai mupoapa, kumua da napoyako, belanna apa iato megallian dio oloNa PUANG, Kapenombammu.

PA’TOLE 7:5

Apa la mipogau’ lako kalena susite, iamotu la mirondon tu inan pemalaranna sia la mitesse tu batu dipodeatanna sia la milelleng tu lentong kayu dipodeatanna sia la miballa tu rapang-rapang dipodeata dipa’na.