2 SAMUEL 5:12 - Sura' Madatu

¹² Susito naissanni Daud, kumua Napamanda’mo PUANG undatui to Israel sia Napamala’bi’ tu kadatuanna belanna taunNa, iamotu to Israel.

2 SAMUEL 5:12 ပူးပေါင်းရင်းမြစ်များ

2 SAMUEL 5:11

Iatu Hiram, datu Tirus, ussua pesuanna lako Daud umbaa kayu arasi’ sia ba’tu pira-pira pande kayu sia to ma’pa’ batu, anna pabendanan Daud misa’ tongkonan layuk.

2 SAMUEL 5:13

Iatonna saemo dio mai Hebron, naalaomi Daud tu ba’tu pira-pira gundi’ sia baine dio mai Yerusalem, napadadianomi Daud ba’tu pira-pira muane sia baine.

2 SAMUEL 7:16

Iatu banuammu sia kadatuammu la masae lako dio tingayomu, sia isungan kapayungammu la bantang sae lakona.

1 DATU 10:9

Mintu’na kadipudian lu langngan nasang PUANG, Kapenombammi, tu umpopaimankomi, naurunganni umpannisungkomi dao isungan kapayunganna Israel! Belanna tontong sae lakona Nakamasei PUANG, tu to Israel, iamoto anNa angka’komi dadi datu la umpogau’ katonganan sia kamaloloan.

1 OSSORANNA DATU 14:2

Iatonna iato naissanmi Daud, kumua Napamanda’mo PUANG undatui to Israel, belanna dipamala’bi’ tu kadatuanna diona taunNa, iamotu to Israel.

2 OSSORANNA DATU 2:11

Nabalimi Huram, datu Tirus, lan misa’ sura’ napa’pean Salomo, nakua: Belanna Nakamasei PUANG tu taunNa, iamoto Naangka’komi datu umparentai tu tau iato mai.

ESTER 4:14

Belanna iake kappa bangkomi lan attu iate, manassa la sae duka ia tu pa’tunduan sia kadirampanan dio mai inan senga’ lako to Yahudi, apa kamu sia to lan banuanna ambe’mi la sanggang; sia minda unnissanni, kumua umbai na attu iate, ammi dipakala’bi’ tama kadatuan.

DANIEL 2:30

Iatu aku te, tae’ to kumua den kamanarangan losong lan kaleku na iatu mintu’ to tuo, anna dipaombo’ lako kaleku te rasia iate, sangadinna iari tu sembangna dipamanassan datu, ammi issanni tu mintu’ tangnga’ penaammi.

KADIBILANGAN 24:7

Nalolongmora tu uai dio mai petimbana, nalempanmora tu uai pangambo’na; ondongpi natongloimira datunna tu Agag sia natarompo’mora tu kadatuanna.