2 SAMUEL 4:9 - Sura' Madatu

⁹ Apa mebali tu Daud lako Rekhab sia Baana, siulu’na, anakna Rimon, to Beerot, nakua: La lelukraka tuoNa PUANG, tu mangka urrampananna’ dio mai mintu’ kamaparrisan,

2 SAMUEL 4:9 ပူးပေါင်းရင်းမြစ်များ

KADADIAN 48:16

iato Malaeka’ urrampananna’ dio mai sanda kadake Ia dukamora umpamasakkei sola duai tu pia, anna disa’bu’ tu sangangku dio te tau iate sia sanganna to doloku Abraham sola Ishak, sia anna memba’ka’ kalle-kallean te tau sola duai lan kuli’na padang!

2 SAMUEL 4:2

Iatu anakna muane Saul unnampui da’dua pangulu tuntunan surodadu, misa’ disanga Baana na misa’ disanga Rekhab, anakna dua Rimon, to Beerot, dio mai suku Benyamin. – Belanna ia duka tu tondok Beerot naala lili’na Benyamin.

1 DATU 1:29

Umpalaomi sumpa tu datu nakua: La lelukraka tuoNa PUANG, tu ullendokan sunga’ku lan mai mintu’ kapussakan,

PA’PUDIAN 103:4

Tu ullendokan sunga’mu diong mai lamunan, sia ummakotaiko kamasokanan sia kamamasean,

PA’PUDIAN 106:10

Susimoto Nanii Puang ullendokanni dio mai lisu pala’na to ungkabiri’i, sia Nalussuran dio mai kuasanna uali.

PA’PUDIAN 107:2

Sipatu tu kada iato nasa’bu’ mintu’ to Nalendokan PUANG, tu Nalendokan dio mai lisu pala’na uali.

PA’PUDIAN 34:17

Apa Natiro sengke tu to umpogau’ kakadakean, la umpa’dei lan mai lino tu kadilamban-bayo-bayoanna tau iato mai.

PA’PUDIAN 34:22

Iatu to tang mekaaluk la mate narua kasanggangan, sia iatu to ungkabiri’ to malambu’ la dipakannai salu.

PA’PUDIAN 69:18

Da Mitanannina’ boko’ te aku, taumMi, belanna pussakna’! Tanding talingana’ madomi’.

PA’PUDIAN 71:23

La mela’tek tu lilaku, ke kupakendekangKomi pa’pudian, ten duka deatangku to tu mangka Milendokan.

1 SAMUEL 26:24

Susi allo iate kupa’budai tu katuoammi, susi dukamoto Nakaritutuimira PUANG tu katuoangku, Narampananna’ dio mai mintu’ kasanggangan.