2 SAMUEL 4:8 - Sura' Madatu

⁸ Nabaami tu ulunna Ishboset lako Daud dio Hebron anna ma’kada lako datu, nakua: Iamote tu ulunna Ishboset, anakna Saul, ualinna puangku, tu undaka’ lalan la umpateikomi, apa allo iate Nakamasei PUANG, tu puangku datu pepakkan lako Saul sia lako mintu’ tarrukna.

2 SAMUEL 4:8 ပူးပေါင်းရင်းမြစ်များ

2 SAMUEL 18:19

Nakuami Ahimaas, anakna Zadok: Eloranna’ kuma’dondo male umbaa kareba melo lako datu, kumua Nasanda tonganni PUANG tu datu dio mai ualinna!

2 SAMUEL 18:31

Ta’kala rampomi tu to Etiopia. Ma’kadami tu to Etiopia iato nakua: Untarimakomi misa’ kareba melo, o puangku datu, belanna Nasanda tongannimokomi PUANG dio mai mintu’ tau unneakomi.

2 SAMUEL 2:8

Apa iatu Abner, anakna Ner, kamandang surodadunna Saul, naala tu Ishboset, anakna Saul, nabaai lamban lian Mahanaim,

2 SAMUEL 22:48

Iamotu Puang Matua mangka umpopembala’na’, sia umpopengkanorong ba’tu pira-pira bangsa lako kaleku,

PA’PUDIAN 71:24

Sia la ussa’bu’ kamaloloamMi, tu dara’ lengko lilaku kiallo-kiallo, belanna mintu’ tu to undakaranna’ kadake kasirisan nasangmo sia malotong lindona.

MATIUS 2:20

sia nakua: Millikko musolanni tu Pia sola indo’Na, mumale lako tana Israel, belanna mate nasangmo tu to la morai umpatei tu Pia.

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.

KADA OMBO’ LAKO RASULU’ YOHANES 6:10

Metambami umpekapuai gamaranna nakua: Sangapapi, o Puang maindan sia tongan, Mimane unnukungi sia umpembalaran raraki lako mintu’ to untongkonni kuli’na padang?

1 SAMUEL 18:11

Naayakammi Saul tu dokena anna ma’tangnga’ lan penaanna: Melo ke kurokki tu Daud natipentana’ lako rinding. Apa napasala Daud tu pangrokna sae lako ma’penduanna.

1 SAMUEL 19:1

Ma’kadami Saul lako Yonatan, anakna, sia lako mintu’ to mase’ponna, kumua la umpatei Daud, apa iatu Yonatan, anakna Saul, siala tongan penaanna Daud.

1 SAMUEL 19:15

Nasua pole’omi Saul tu tau male untiro Daud, nakuami: Baai dio mai sola inan mamma’na, angku patei.

1 SAMUEL 20:1

Ta’kala mallaimi tu Daud dio mai Nayot sikandappi’ Rama, sae umpellambi’i Yonatan, nakua: Apara tu kupogau’ sia apara tu kakelokangku sia apara tu kasalangku dio olona ambe’mu, anna la ungka’turi tu sunga’ku?

1 SAMUEL 23:15

Iatonna issanmi Daud, kumua undaka’ lalan tu Saul la umpatei, torromi lan padang pangallaran Zif dio Koresa.

1 SAMUEL 24:4

Rampomi lako barung domba dio lu biring lalan. Denmi inde to dio tu misa’ lo’ko’; anna tama tu Saul la ma’to’kayu. Iatu Daud sola mintu’ taunna unno’ko’ lan lo’ko’ iato dio inan ringki’na lan.

1 SAMUEL 25:29

Iake bendanni misa’ tau la unnula’komi sia la undaka’ lalan la umpateikomi, la dipori lan pa’pulunganna to tuo tu deatammi dio oloNa PUANG, Kapenombammi, apa iatu deatanna mintu’ ualimmi la dipellebaran lan mai inan batu pekolak.