2 SAMUEL 4:7 - Sura' Madatu

⁷ Malemi tama tongkonan layuk tonna mamma’ tu Ishboset dao patindoanna lan bilik nanii mamma’; napateimi tu anak arung, napoloi tu ulunna. Naalami tu ulunna anna lumingka situ’turan bongi unnolai tu Araba-Yordan iato.

2 SAMUEL 4:7 ပူးပေါင်းရင်းမြစ်များ

2 SAMUEL 2:29

Naolaimi Abner sola mintu’ taunna tu Araba-Yordan iato, situ’turan bongi, anna lambanni Yordan, sia lumingkapa sangpolo allo namane rampo lako Mahanaim.

KATASSURAN 8:3

Naurungan iatu salu Nil umpasikarangan tokko’ tassu’, anna kendek langngan tongkonan layukmu sia la tama bilik patindoammu, ondongpi la langngan inan mamma’mu, sia tama banuanna mintu’ to mase’ponmu sia mintu’ taummu sia tama dapo’mu sia tama pa’ta’pungammu.

MATIUS 14:11

Nabaami tau tu ulunna diong pindan, napennoloanni lako tinde pia baine, nabaai lako indo’na.

1 SAMUEL 17:51

Mangkato ma’dondomi tu Daud urreke’i lako, anna bendan dio sa’dena to Filistin iato, natoemi tu pa’dangna, nanonokki, napakatiti’i nata’takki tu ulunna. Iatonna tiromi to Filistin tu diona pa’baraninna matemo, mallai nasangmi.

1 SAMUEL 17:54

Naalami Daud tu ulunna to Filistin iato, nabaai lako Yerusalem, apa iatu mintu’ pa’bunona napalan tendana.

1 SAMUEL 31:9

Napoloi tu ulunna sia nalossokan tu mintu’ pa’bunona, nasuai tu tau male ullelei tu lili’na mintu’ tondok Filistin la umpatale’i tu kareba melo iato lan lu mintu’ banua dipa’deatainna sia lako mintu’ to buda.