2 SAMUEL 3:8 - Sura' Madatu

⁸ Lendu’mi naposengkena Abner tu kadanna Ishboset; anna ma’kada nakua: Ulu asura’ka te, angku la sanginaara to Yehuda? Iate ba’tu pirang allo umpogau’na’ kameloan lako bati’na Saul, ambe’mi, sia lako mintu’ siulu’na sia sangmanena, sia kukampaikomi anna tae’ mitobang tama limanna Daud, moi nasusito mipasala dukana’ belanna diona misa’ baine.

2 SAMUEL 3:8 ပူးပေါင်းရင်းမြစ်များ

2 SAMUEL 16:9

Attu iato ma’kadami tu Abisai, anakna Zeruya lako datu nakua: Ma’apari natampakkira ropu puangku datu tinde asu mate? Da’ito kumale lian angku sembangi tu ulunna.

2 SAMUEL 2:8

Apa iatu Abner, anakna Ner, kamandang surodadunna Saul, naala tu Ishboset, anakna Saul, nabaai lamban lian Mahanaim,

2 SAMUEL 3:18

Totemo pasundunmi tu pa’poraiammi, belanna susite tu kadanNa PUANG diona Daud, nakua: Tete dio limanna Daud, taungKu, angKu rampananni tu to Israel, taungKu, lan mai limanna to Filistin sia lan mai limanna mintu’ ualinna.

2 SAMUEL 3:9

Nasanggangimira Puang Matua tu Abner, sia la Narangnganni pole’pa, ke tae’i nasusi tu Naallu’na PUANG lako Daud Napalaoi sumpa, susi dukamo la kupogau’ undinna:

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

2 SAMUEL 9:8

Tukkumi menomba anna ma’kada nakua: Tau apara te taummi, ammi la umpessaileiri, anna butungna’ to misa’ asu mate?

2 DATU 8:13

Nakuami tu Hazael: Minda toda iate taummite, tu sangtinti asu, anna la umpogau’ri te apa kapua iate? Nakuami tu Elisa: Mangkamo Napaombo’ PUANG lako kaleku, kumua kamumo la dadi datunna to Aram.

PA’PUDIAN 76:10

Tonna ke’de’ tu Puang Matua la ma’paolai salu, la ungkarimmanni mintu’ to madiongan penaanna lan te lino. Sela

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

PA’TOLE 23:18

Da mubaai tama banuanNa PUANG, Kapenombammu, tu saro killangan dodo ba’tu saro pa’gau’ asu, la umpalanda’ misa’ pangallonan, belanna iate da’dua gau’ misa’ apa Nakagalli PUANG, Kapenombammu.

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.

1 SAMUEL 17:43

Nakuami tu to Filistin lako Daud: Asura’kate, ammu saera unnea tekkenna’. Nagataimi tu Daud ussa’bu’ deatanna.