2 SAMUEL 3:35 - Sura' Madatu

³⁵ Mangkato saemi tu to buda umpalakui lako Daud la kumande tonna masiang siapa, apa umpalao sumpa tu Daud anna ma’kada: Nasanggangimora’ Puang Matua sia la Narangnganni pole’pa, ke la ullepa’na’ roti ba’tu apa-apa senga’, ke tae’pi nalambun allo.

2 SAMUEL 3:35 ပူးပေါင်းရင်းမြစ်များ

2 SAMUEL 1:12

Umbatingmi sola nasang sia tumangi’ sia ma’puasa sae lako bonginna diona Saul sia Yonatan, anakna, sia diona mintu’ taunNa PUANG sia mintu’ to Israel, belanna tibambang tu tau iato mai nakande pa’dang.

2 SAMUEL 12:17

Mintu’ tu to matua mase’ponna lan tongkonan layukna male la umpamillik datu diong mai padang, apa manoka sia manoka tu datu kumande sola.

2 SAMUEL 3:34

Iatu limammu tae’ bangpa nadipungo, sia iatu lentekmu tae’pa nadipumpung rante tambaga. Susitu katobanganna tau napobua’ to bulituk, susi dukamoto tu katobangammu. Attu iato mintu’ tu to buda samandu-mandunna untangi’i.

2 SAMUEL 3:36

Iatonna issanmi to buda tu iannate, natongannimi, susi dukato tu mintu’ apa napogau’ datu natonganni mintu’ to buda.

2 SAMUEL 3:9

Nasanggangimira Puang Matua tu Abner, sia la Narangnganni pole’pa, ke tae’i nasusi tu Naallu’na PUANG lako Daud Napalaoi sumpa, susi dukamo la kupogau’ undinna:

1 OSSORANNA DATU 10:12

ke’de’mi tu mintu’ surodadu, naalai tu batang rabukna Saul sia batang rabukna anakna, anna baai lako Yabesh anna lamunni tu bukunna diong garonto’ kayu tarpin dio Yabesh. Mangkato ma’puasami tu tau iato mai pitung allo.

YEREMIA 16:7

Sia tae’ tau sae unti’pek-ti’pek roti tanda maindunna la umpakatana to kamatean, sia la umbenni pangiru’ pa’pakatana, moi anna ambe’na ba’tu indo’na.

YEHEZKIEL 24:17

Pela’-pela’ko sumarro; da muma’pote dibolong; pamanda’ bangi tu passapummu, sia ma’sepatuko, da mutampun puduk daoanmu sia da mukandei tu roti nabangko tau.

YEHEZKIEL 24:22

Sia la mipogau’ susitu mangkanna kupogau’; tae’ ammi la untampunni tu puduk daoammi, sia iatu roti nabangkomi tau, tae’ mila ungkandei,

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

TO PARENGNGE’ 20:26

Mangkato malemi tu mintu’ to Israel, iamotu mintu’ bangsa, anna rampo lako Betel; torromi inde to dio anna tumangi’ dio oloNa PUANG, nama’puasa allo iato sae lako makaroenna sia umpemalaran pemala’ ditunu pu’pu’ sia pemala’ kasalamaran dio oloNa PUANG.

RUT 1:17

Umba-umba minii mate, ia duka la kunii mate sia inde to dio la dinii ullamunna’. Nasanggangimora’ Puang Matua sia Narangnganni pole’pa, ke tang kamatean mannari tu la umpasisarakki’.

1 SAMUEL 3:17

Nakuami Eli: Kada apara tu Napokadangko. Da mubunianna’. La Nasanggangiko Puang Matua, sia la Narangngannipa, ke denni mubunianna’ moi sangbuku tu mintu’ kada Napokadangko.