2 SAMUEL 3:32 - Sura' Madatu

³² Iatonna lamunmi tau tu Abner dio Hebron, unnurruk-urrukmi tu datu dao panglamunanna sia iatu mintu’ to buda tumangi’ duka.

2 SAMUEL 3:32 ပူးပေါင်းရင်းမြစ်များ

2 SAMUEL 1:12

Umbatingmi sola nasang sia tumangi’ sia ma’puasa sae lako bonginna diona Saul sia Yonatan, anakna, sia diona mintu’ taunNa PUANG sia mintu’ to Israel, belanna tibambang tu tau iato mai nakande pa’dang.

2 SAMUEL 18:33

Mandu bonnongmi penaanna tu datu, nakendek langngan bilik daona lu anna tumangi’. Iatonna marasan lumingka ma’kadami nakua: O anakku Absalom, anakku, anakku Absalom! Kenna akuora mate ussondako, Absalom, anakku, anakku!

2 SAMUEL 4:12

Mesuami tu Daud lako surodadunna umpatei sola duai, napoloi tu limanna sia lentekna, natoke’i sikandappi’ limbong dio Hebron, apa iatu ulunna Ishboset naala anna lamunni lan lamunanna Abner dio Hebron.

AYUB 31:28

manassa iatu iannato misa’ duka kakelokan, sipatu naukung to ma’paolai salu, belanna kupeonganni tu Puang Matua dao masuanggana.

AYUB 31:29

Iangku parannu diona kamandasanna to ungkabiri’na’ sia mela’tek ke narampoi kamatilakan,

SARAMBU PEADA’ 24:17

Iake tobangi tu ualimmu, da muparannu; iake tipessusukki, da nasende penaammu,

1 SAMUEL 30:4

Ma’urrukammi tu Daud sola mintu’ to nasolan unnangle-angle tongan, naurungan tang nabelamo tumangi’.