2 SAMUEL 3:14 - Sura' Madatu

¹⁴ Sia nasuapa Daud tu ba’tu pira-pira sumbungan puduk lako Ishboset, anakna Saul, nakua: Benna’ tu Mikhal, baineku, tu kulolongan belanna saratu’ kuli’ salepe’ kamuaneanna to Filistin.

2 SAMUEL 3:14 ပူးပေါင်းရင်းမြစ်များ

2 SAMUEL 2:10

Iatu Ishboset, anakna Saul, tonna ditokko undatui to Israel patangpulomo taunna, ma’parentami duangtaun. Ia manna tu suku Yehuda unturu’ Daud.

2 SAMUEL 3:15

Nasuami Ishboset tu tau male unnalai dio mai muanena, iamotu Paltiel, anakna Lais.

2 SAMUEL 6:16

Iatonna rampomo tu pattinNa PUANG tama kotana Daud, ta’kala mentiromi tu Mikhal, anakna Saul, dao mai pentiroan banuanna. Iatonna tiromi tu datu Daud tumbang-tumbang sia unnondo dio oloNa PUANG, nasayumi lan penaanna.

MATIUS 1:18

Iatu kadadianNa Yesu Kristus susite: Iatonna sikampa Yusuf tu Maria, indo’Na, tonna tae’pa nasisola, manassami kumua ma’tambuk tu Maria diona kamatotoranNa Penaa Masallo’.

1 SAMUEL 18:25

Ma’kadami Saul nakua: Pokadanni Daud te kada iate: Tae’ nakabarii bangi datu tu somba, podo ke kuli’ salepe’ kamuaneanna dukato Filistin saratu’ kumua anna papakkanni tu mai ualinna datu. Belanna natangnga’ Saul, kumua anna sanggangi to Filistin tu Daud.

1 SAMUEL 18:27

Iatonna tae’pa nalambi’i atunna, ke’de’mi tu Daud sola taunna, anna patei tu muane to Filistin dua ratu’, anna baai Daud tu mai kuli’ salepe’ kamuaneanna tau iato mai, namale tau umpennoloanni lako datu ganna’ bilanganna, kumua anna pomanintui datu. Naelorammi Saul tu Mikhal, anakna napobaine Daud.

1 SAMUEL 25:44

Apa iatu Mikhal, anakna Saul, bainena Daud, napa’benganmo Saul napobaine Palti, anakna Lais, tu dio mai tondok Galim.