2 SAMUEL 3:12 - Sura' Madatu

¹² Nasuami Abner tu ba’tu pira-pira sumbungan puduk lako Daud dio inanna, anna ma’kada nakua: Mindara puangna te tondok iate? Sia nakuapa: La sibasseki’, kumua la kusande’komi umpalulakoi kalemi tu mintu’ to Israel.

2 SAMUEL 3:12 ပူးပေါင်းရင်းမြစ်များ

2 SAMUEL 19:14

Susimo kanapopa’mirringannato tu penaanna mintu’ to Yehuda susimora to misa’ tau sia mesua tu tau iato mai lako datu nakua: Kipalaku ammi sule sola mintu’ taummi.

2 SAMUEL 19:41

Ta’kala sae nasangmi tu mintu’ to Israel mennolo lako datu anna ma’kada nakua: Ma’apai tu mai siulu’ki, iamotu to Yehuda, anna umboko puangki sia unnanta’komi sia mintu’ to lan tongkonan layukmi sia mintu’ taunna Daud ullamban salu Yordan sola.

2 SAMUEL 19:6

apa mikamasei tu to ungkabiri’komi sia mikabiri’ tu to ungkamaseikomi. Belanna allo iate mipakanaan kumua iatu mintu’ kamandang sia surodadu moi misa’ tae’ patunna lako kalemi, ondongpi totemo kuissan, kumua, iakenna la tuopa tu Absalom, angki mate nasangmo kami te allo iate, manassa maneri tongan tu iannato dio pentiromi.

2 SAMUEL 3:11

Moi sangbuku kada tae’ duka napebalii Ishboset lako Abner, belanna nakataku’.

2 SAMUEL 3:13

Ma’kadami nakua: Melo, ke sibasseki’, apa den misa’ kutuntun lako kalemu: iamotu tae’ muma’din ussitiroanna’, ke tae’pi mupesuanni dolo ussolanni lako kaleku tu Mikhal, anakna baine Saul, mumane sae umpessitiroina’.

2 SAMUEL 3:21

Ma’kadami Abner lako Daud, nakua: Totemo la malemo’ urrampunni tu mintu’ to Israel lako puangku datu, anna sibasse puangku tu mintu’ tau iato mai sia ammi parentai tu mintu’ apa nakalo’ penaammi. Mangkato messimanmi tu Abner lako Daud, anna male marampa’.

2 SAMUEL 3:27

Iatonna sulemo tu Abner lako Hebron, napasepang senga’mi Yoab dio tangnga babangan tondok la sipa’kada buni, narokki tu tambukna, anna mate, belanna la umpebalaran Asael, adinna.

2 SAMUEL 3:38

Mangkato nakuami datu lako mintu’ to mase’ponna: Tae’raka miissanni, kumua allo iate tibambang misa’ arung iamo misa’ to kapua lan lu to Israel?

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela