2 SAMUEL 24:25 - Sura' Madatu

²⁵ Na inde to nanii Daud umpabendananni PUANG tu misa’ inan pemalaran, napemalaranni tu pemala’ ditunu pu’pu’ sia pemala’ kasalamaran. Natarimami PUANG tu passambayangna sia Nakamasei tu tondok anna dipatoyang tu kasanggangan dio mai to Israel.

2 SAMUEL 24:25 ပူးပေါင်းရင်းမြစ်များ

KADADIAN 12:7

Ta’kala anNa payanmo tu PUANG lako Abram, Nama’kada Nakua: Iate tana la Kuba’giammo lanto mimi’mu. Nagaragami Abram inde to dio tu misa’ inan pemalaran lako PUANG mangka payan lako kalena.

KADADIAN 22:9

Rampomi lako inan mangka napokadanni Puang Matua, anna garagai Abraham tu misa’ inan pemalaran, napalangnganni tu kayu anna pungoi tu Ishak, anakna, napandanni dao inan pemalaran daona lu kayu.

KADADIAN 8:20

Nagaragami Nuh tu misa’ inan pemalaran nanii memala’ lako PUANG, anna alai dio mai mintu’ patuoan tang dipemalianna sia manuk-manuk tang dipemalianna anna pemalaran pantunu pu’pu’ dao inan pemalaran iato.

2 SAMUEL 21:14

Nalamunmi tu bukunna Saul sia Yonatan, anakna, dio padangna Benyamin dio Zela, lan panglamunanna Kish, ambe’na. Iatonna mangkamo tau umpogau’i susitu mintu’ kadanna datu, maneri Puang Matua ungkaturu-turui sule tu tondok iato.

2 SAMUEL 24:14

Ma’kadami tu Daud lako Gad nakua: Lendu’mo pussakku; melomo ke tobang rokkoki’ limanna PUANG, belanna kapua tu kamamaseanNa, podo da angku tobang rokko limanna to lino.

1 DATU 1:1

Iatu datu Daud matuamo sia matessekmo sia moi nasambu’i parramba’ tau, apa inang tae’mo namalassu.

YEHEZKIEL 16:42

Belanna tete dio apa iato iatu kare’dekan ara’Ku tu urrampoiko la Kuparandan sia iatu kamangimburuangKu la toyang dio mai kalemu; mangkato Kumane rapa’ sia tae’mo nala torro tu kasengkeangKu.

KADIBILANGAN 17:13

Minda-minda tu mengkareke’ bangri lako KemaNa PUANG, la mate. Ma’apai angki la purara ka’tu sunga’ki?

TO PARENGNGE’ 21:4

Iatonna masiangmo melambi’ bangsiapa napabendanmi bangsa iato tu misa’ inan pemalaran inde to dio, anna pennoloanni tu pemala’ ditunu pu’pu’ sia pemala’ kasalamaran.

TO PARENGNGE’ 6:24

Inde to dio nanii Gideon umpabendananni PUANG tu misa’ inan pemalaran, anna sangai: PUANGmo tu oto’na kasalamaran. Bendanpa tu inan pemalaran iato sae lako allo iate dio Ofra, tondokna to Abiezer.

1 SAMUEL 13:9

Iamoto nama’kada tu Saul, nakua: Banna’ mai tu pemala’ ditunu pu’pu’ sia pemala’ kasalamaran. Napemalarammi tu pemala’ ditunu pu’pu’.

1 SAMUEL 14:35

Napabendanammi Saul misa’ inan pemalaran tu PUANG; iamote tu inan pemalaran bunga’na napabendanan PUANG.

1 SAMUEL 7:17

Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.

1 SAMUEL 7:9

Naalami Samuel tu anak domba sumusu misa’, napemalaran nasangi lako PUANG, la dadi pemala’ ditunu pu’pu’. Napassambayangammi Samuel tu to Israel lako PUANG, anNa tarimai PUANG tu palakunna.