2 SAMUEL 24:17 - Sura' Madatu

¹⁷ Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

2 SAMUEL 24:17 ပူးပေါင်းရင်းမြစ်များ

KADADIAN 18:23

Saemi tu Abraham umpentireke’i anna ma’kada nakua: Ma’apari na la umpasisabu’iri PUANG tu to malambu’ sola to kadake?

KADADIAN 44:33

Totemo da’ito na akumo torro inde mipokaunan ussondai te to mangura, eloranni te to mangura male sola mintu’ siulu’na langngan.

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

2 SAMUEL 7:8

Iamoto la muparampoan taungKu Daud, kumua: Iamote tu kadanNa PUANGna mintu’ ma’dandan maritik: Kupaleleko dio mai to’ riu maluna dio mai to’ domba, la dadi arungna mintu’ taungKu, iamotu to Israel.

1 DATU 22:17

Nakuami tu Mikha: Kutiromo tu mintu’ to Israel sisarak-sarak dao lu tanete butung to domba tae’ to mangkambi’na; anna ma’kada tu PUANG, nakua: Iate mai tau tae’mo puangna, da’ito anna pantan sule marampa’ lako banuanna.

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

AYUB 7:20

Iake kasalammo’, la kupatumbari tu Puang, To umpenunu bang tolino? Ma’apari Mipapatui bangna’ passandaMi, naurungan kupomagasamo tu kaleku?

PA’PUDIAN 32:5

Angku tuarasan kasalangku mati’ Kalemi, sia tae’ angku buni kakadakeangku; kukuami ma’kada: La unnakuna’ kapatodo-tintingangku lako PUANG. Sela AmMi pa’deimi tu kakadakeangku sia kasalangku.

PA’PUDIAN 44:11

Mielorammokan nalassu’ ualingki, sia napangrampaikan mintu’ to ungkabiri’kan.

PA’PUDIAN 74:1

Misa’ gelong bangunan ada’na Asaf. O Puang Matua, apa bannangna amMi tibemorakanni tontong sae lakona? Sia apa bannangna anna re’dekra tu ara’Mi lako mintu’ domba Miparibala?

PA’PUDIAN 78:71

Nasarakki dio mai boko’na mintu’ domba sumusu la ungkambi’ Yakub, taunNa, sia Israel to Napotau.

KATASSURAN 10:16

Attu iato natikaraimi Firaun umpopetambai tu Musa sola Harun, nakuami: Kasalammo’ lako PUANG, Kapenombammi, sia lako duka kamu.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

YUNUS 1:12

Mebalimi lako tau iato mai nakua: Angka’na’ mipembuanganna’ rokko tasik, manassa la rapa’ tu tasik sia tae’mo nala umpandasakomi. Belanna kutandai, kumua iatu angin ma’pamumbuk sae umpandasakomi natumang salaku.

ZAKHARIA 13:7

E pa’dang tinonokko, ta’pai tu to mangkambi’Ku ta’pai tu muane marengke’Ku, kadanNa PUANGna mintu’ ma’dandan maritik; ba’tai tu to mangkambi’, naurunganni sisarak-sarak tu domba; sia la Kubalik tu limangKu unta’pai tu bitti’na.

KADIBILANGAN 16:22

Attu iato lumbangmi sola dua rokko padang, anna ma’kada nakua: O Puang Matua, Kapenombanna sunga’na mintu’ batang kale; iake misa’ri muane kasalan, la re’dekraka ara’Mi lako mintu’ kasirampunan?