2 SAMUEL 24:16 - Sura' Madatu

¹⁶ Iatonna e’te’mi malaeka’ tu limanna langngan Yerusalem, la ussanggangi, Napenassannimi PUANG tu kamandasan iato. Nakuami lako malaeka’ tu umparampo kasanggangan dio lu pa’tondokan: Silasamo to! Riu’mi sule tu limammu. Attu iato, iatu malaeka’ bendan sikandappi’ panglulluranna Arauna, to Yebus.

2 SAMUEL 24:16 ပူးပေါင်းရင်းမြစ်များ

KADADIAN 10:16

sia iatu to Yebusi sia to Amori sia to Girgasi,

KADADIAN 6:6

menassanmi tu PUANG, belanna mangka umpadadi tolino untongkonni kuli’na padang sia iamoto tu umpatu’pe penaanNa.

2 SAMUEL 24:18

Allo iato saemi tu Gad umpelambi’i Daud, nakua lako: Malekomi langngan ammi pabendananni PUANG tu misa’ inan pemalaran dao inan panglulluranna Arauna, to Yebus.

2 SAMUEL 5:8

Allo iato nakuami Daud: Minda-minda la untalo to Yebus, manassa male tama unnola pambo’bok sitarru’ diolai umbaa uai; apa iatu to kupi’ sia to buta, mandu nakagi’gi’ penaanna Daud. Iamoto nakuai tau: Iatu to buta sia to kupi’ tae’ nama’din tama.

1 DATU 19:4

Apa iatu ia, misa-misa male lako padang pangallaran, lan kalingkan sangallo, narampo unno’ko’ lako to’ garonto’ roten, anna kabariimi tu la mate sia nakua: Lendu’ masangku totemo! Alami tu sunga’ku, o PUANG, belanna iate aku tae’ angku mandu melo na iatu mai to doloku.

2 DATU 19:35

Iatonna bongi iato tassu’mi tu Malaeka’Na PUANG, Napateimi tu surodadunna to Asyur saratu’ karuapulona llima sa’bu. Iatonna millik tu tau melambi’, natiroi tu mintu’nato, batang rabuk mannamo.

1 OSSORANNA DATU 1:14

sia iatu to Yebusi sia to Amori sia to Girgasi

2 OSSORANNA DATU 3:1

Naparandukmi Salomo umbangun Banua Kabusungan dio Yerusalem dao buntu Moria, tu Nanii ombo’ PUANG lako Daud, ambe’na, dao inan tu mangka napamanassa Daud, iamotu inan panglulluranna Ornan, to Yebus.

2 OSSORANNA DATU 32:21

Nassuami PUANG tu misa’ malaeka’ la ussanggangi tu mintu’ pa’barani, arung sia kamandang dio to’ tendana surodadunna datu to Asyur, naurunganni sule lako tondokna natoding siri’. Iatonna tamamo banuanna deatanna, napateimi pa’dang anak dadianna.

PA’PUDIAN 135:14

Belanna la Nasanda-tonganni PUANG tu taunNa, sia la Nakaturu-turui tu orangNa.

PA’PUDIAN 35:6

Da’ito anna malillin sia malangngo’ tu lalanna tau iate mai, anNa ula’i Malaeka’Na PUANG.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

PA’PUDIAN 90:13

MessailemoKomi, o PUANG! SangapaporoKomi tang la messaile? Ala masei tu mai taumMi.

KATASSURAN 12:13

Iatu rara iamo la dadi misa’ tanda lako kalemi dio lu banua minii; iangKu tiromi tu rara iato la Kulendu’imokomi, naurungan tae’ kamandasan mesanggangan dio lu kalemi, ke Kupata’paimi lima tu tondok Mesir.

KATASSURAN 12:23

Iake sumalongmi tu PUANG lan tondok la umpata’pai lima to Mesir, Natiroi tu rara iato dio ampang ba’ba daona lu sia dio to da’dua patongkon ba’ba, la Nalendu’i PUANG tu ba’ba iato, tae’ Naeloranni tu to pasanggang la tama banuammi la ma’kasolang-solang.

KATASSURAN 32:14

Attu iato menassanmi tu PUANG diona tu kasanggangan la Napasae lako mintu’ taunNa susitu mangka Napokada.

KATASSURAN 9:28

Mengkamoya tonganmokomi lako PUANG, belanna iatu guntu’ Napasae Puang Matua sia uran batu metakuran tongan. Ianna dadi la kuelorangkomi male, tae’mo ammi la torro.

YESAYA 27:8

Miea tu tau iato mai diona kadiula’ina sia kadisuale-palaranna: Nabaamo angin bara’Na Puang, tonna liu bara’ matallo.

YESAYA 57:16

Belanna tae’ angKu la tontong sae lakona ullo’bo to lino sia tae’ nala tae’ upu’na tu kasengkeangKu; iake susito la ka’tu sunga’na tu to lino dio oloKu, anna Aku kalena umbenni penaa.

YEREMIA 26:19

Napateiraka Hizkia, datu Yehuda sia mintu’ to Yehuda? Tang mataku’raka tu datu lako PUANG, anna mengkamoya dio oloNa PUANG? Iamoto Namenassan tu PUANG diona tu kamandasan, tu mangka Napokada la Naparampoan tu tau iato mai. Ma’apai anta la umpogau’ kakadakean kapua tu la untumang kaleta?

YEREMIA 42:10

Iake mareso’komi torro lan padang iate, la Kubangunkomi sia tae’ Kula urro’pokkomi, sia la Kutanan sia tae’ Kula undu’dukkikomi, belanna Kupenassannimo tu kakadakean mangka Kupogau’ lako kalemi.

AMOS 7:3

Napenassannimi PUANG tu iannato. Tae’ anna la dadi tu iannato, kadanNa PUANG.

AMOS 7:6

Napenassannimi PUANG tu iannato. Tae’ duka anna la dadi tu iannato, kadanNa Puangta PUANG.

HABAKUK 3:2

O PUANG, kurangimo tu karebamMi, mataku’na’, o PUANG, lako penggauramMi; palaloi tu iannato lan taun-taun la sae, pasomboi tu iannato lan taun-taun la sae; lan attu kasengkean la Mikilalai tu pa’kamasean.

ZAKHARIA 9:7

La Kupatoyang tu rara lan mai sadangna sia iatu apa megi’giran lan mai alla’ isinna sia ia duka tu torronapa la Napotau Kapenombanta, naurunganni butung to misa’ pangulu suku lan Yehuda, na iatu to Ekron la susito Yebus.

MARKUS 14:41

Saemi tonna ma’pentallunna Nama’kada lako tinde tau Nakua: Mamma’ bangmokomi mipamondo ta’ka’mi; totemo ganna’mo; nalambi’mo attunna; tiromi tu Anak rampan dilino disorong lako to kasalan.

PENGGAURANNA RASULU’ 12:23

Ta’pa napa’tongmi malaeka’Na Puang tu Herodes, belanna tang umbilang Puang Matua, Nakandemi ulli’ namate.

1 KORINTUS 10:10

Sia da mima’nuku-nuku susitu tau iato pira ma’nuku-nuku, anna mangsanni kalamau’.

2 KORINTUS 2:6

Iatu to susito silasamo tu pelo’bo tu budakomi ullo’boi.

YOSUA 15:63

Apa tae’ nakulle to Yehuda unnula’i tu to Yebus, tu umpa’tondokki Yerusalem; iamoto natorro ma’tondok tu to Yebus sola to Yehuda dio Yerusalem sae lako allo iate.

TO PARENGNGE’ 1:21

Apa iatu to Benyamin tae’ naula’i tu to Yebus, tu umpa’tondokki Yerusalem, iamoto iatu to Yebus torro ma’tondok dio Yerusalem, sikandappi’ to Benyamin sae lako allo iate.

TO PARENGNGE’ 19:11

Iatonna la urreke’mo Yebus sia lambunmo tu allo, ma’kadami tu taunna lako puangna nakua: Melo ke lendu’ki’ inde te kota to Yebus, anta ma’bongi dio.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.