2 SAMUEL 24:15 - Sura' Madatu

¹⁵ Iamoto Naparampomi PUANG tu ropu lako to Israel tempon melambi’ sae lako attu mangka Napamanassa. Matemi tu pa’tondokan randuk daa mai Dan sae sau’ Bersyeba pitungpulo sa’bu.

2 SAMUEL 24:15 ပူးပေါင်းရင်းမြစ်များ

2 SAMUEL 24:2

Ma’kadami tu Daud lako Yoab, pa’baraninna tu nasisolan, nakua: Maleko ullelei tu mintu’ suku Israel, randuk dio mai Dan sae lako Bersyeba, paressai sia ia’i tu mintu’ tau, angku issanni budanna tu tau.

1 OSSORANNA DATU 21:14

Iamoto Naparampoimi ropu PUANG tu to Israel, anna mate tu to Israel pitungpulo sa’bunna.

1 OSSORANNA DATU 27:24

Naparandukmo Yoab anakna Zeruya, umbilangi, apa tae’ napatarru’i, belanna bannang inde to narampo tu kasengkean lako to Israel. Iamoto iatu bilangan iato tae’ nadipatama sura’ ossoranna datu Daud.

1 OSSORANNA DATU 27:4

Iatu pangulu tuntunan lan bulan ma’penduanna, iamotu Dodai, to Ahohi, sia ia duka tu nalili’ tuntunanna, iamo arung Miklot; mintu’ to nalili’ tuntunanna den duangpulo nna’pa’ sa’bu.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

HABAKUK 3:2

O PUANG, kurangimo tu karebamMi, mataku’na’, o PUANG, lako penggauramMi; palaloi tu iannato lan taun-taun la sae, pasomboi tu iannato lan taun-taun la sae; lan attu kasengkean la Mikilalai tu pa’kamasean.

KADIBILANGAN 25:9

Iatu to mate belanna kasanggangan iato, den duang pulo nna’pa’ sa’bu.

MATIUS 24:7

Belanna bangsa la siea pada bangsa sia to sangkadatuan siea to sangkadatuan; sia umba-umba nii la den karorian sia lino’.

KADA OMBO’ LAKO RASULU’ YOHANES 6:8

Kutiromi den misa’ darang bullau, na iatu to ussakei disanga kamatean sia undi narundu’ len lino to mate. Diben kuasa sola duai la umpatei pa’dang tu sangtepona lino sia ra’pak padang sia ra’ba biang sia olo’-olo’ masuru lan lino.

1 SAMUEL 6:19

Nasanggangmi Puang tu to Bet-Semes, belanna napenunu tu pattinNa PUANG; iatu pa’tondokan Nasanggang pitungpulo. Attu iato ma’pote dibolongmi umbating tu tau iato mai, belanna Nasanggang tongan PUANG.