2 SAMUEL 24:11 - Sura' Madatu

¹¹ Iatonna melambi’ millikmi tu Daud: attu iato rampomi tu kadanNa PUANG lako nabi Gad, to patanda-tandanna Daud, nakua:

2 SAMUEL 24:11 ပူးပေါင်းရင်းမြစ်များ

2 SAMUEL 12:1

Nasuami PUANG tu Natan male mennolo lako Daud. Malemi mennolo lako datu anna ma’kada nakua: Lan misa’ kota anu den da’dua tau, misa’ sugi’ na misa’ bongko.

2 SAMUEL 24:12

Maleko, pokadanni Daud: Susite tu kadanNa PUANG: tallu te apa Kupapatuangko; pileimi sala umbanna misa’, angku parampoangko.

1 OSSORANNA DATU 2:19

Iatonna matemo tu Azuba umpobainemi Efrat tu Kaleb, anna padadianni Hur.

1 OSSORANNA DATU 21:9

Ma’kadami tu PUANG lako Gad, to patanda-tandanna Daud, Nakua:

1 OSSORANNA DATU 25:5

Mintu’i te anakna muane Heman, to patanda-tandanna datu, tu umbattuananni kadanNa Puang Matua, la umpatarangga tandukna datu; Nakamasei Puang Matua tu Heman sangpulo a’pa’ muane na tallu baine.

1 OSSORANNA DATU 29:29

Iatu tuna’na Daud, la iatu dolona la iatu undinna, tisura’mo lan tuna’na Samuel, to patanda-tandan, sia nabi Natan sia Gad, to patanda-tandan,

2 OSSORANNA DATU 29:25

Nasuami tu to Lewi bendan sikandappi’ banuanNa PUANG untangke taa’-taa’, dandi sia katapi, susitu napasan Daud sia Gad, to patanda-tandanna datu sia nabi Natan, belanna iatu pepasan iato Napokada PUANG nalopian tu mai to minaanna.

1 SAMUEL 22:5

Ma’kadami nabi Gad lako Daud, nakua: Da’ mutorro lan tambakuku iate, sangadinna tileleko lako tondok Yehuda. Tilelemi tu Daud, anna rampo tama pangala’ Keret.

1 SAMUEL 9:9

Iatonna dolo-dolona dadi ada’mo dio lu to Israel, ke laoi tau ungkutanai Puang Matua, nakuami: Talao lako to patanda-tandan, belanna iatu to disanga nabi totemo, disanga to patanda-tandan dolo-dolona.