2 SAMUEL 23:5 - Sura' Madatu

⁵ Apa tang susikan to sola bati’ku dio oloNa Puang Matua. Moi susito Natanananna’ misa’ basse matontongan, tu ma’rundunan nasang sia ditoe manda’. Belanna tang la Napabu’turika tu mintu’ kasalamarangku sia mintu’ kapaimanangku?

2 SAMUEL 23:5 ပူးပေါင်းရင်းမြစ်များ

KADADIAN 9:16

Iake lanni gaun tu tindak sarira iamo Kutiro la Kunii ungkilalai basse matontongan, tu ditanan lan tangngaNa Puang Matua anna mintu’ menaanna tu menono’ lan lino.

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 13:14

Apa manoka tu Amnon umperangii tu kadanna, sia belanna mandu matoto’ ia, napalaoi siri’na, anna toro’-bukui.

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

2 SAMUEL 18:14

Nakuami Yoab: Manokana’ murempai. Naalami tu doke bandangan tallu, anna rokki tama tu buana Absalom, tonna tuopa mendoyang dio kayu tarpin.

2 SAMUEL 7:12

Iake upu’mi tu allomu, sia ka’tu angin dipudukmu musanginanmo nene’ to dolomu, iamoto angKu patulangdanni tu bati’mu la ussondako, iamoto sun dikalemu, angKu pabantangi tu kadatuanna.

2 SAMUEL 7:18

Malemi tama tu datu Daud anna unno’ko’ dio oloNa PUANG, anna ma’kada, nakua: O Puangku PUANG, mindara te taumMi sia mindara tu to lan banuangku, anna baara’ Puang sae indete?

1 DATU 1:5

Attu iato, iatu Adonia, anakna Hagit matampo penaanna naurunganni ma’tangnga’ nakua: Akumo tu la datu. Napasakka’mi tu ba’tu pira-pira kareta sia pakkanarang sia limangpulo tau la dolo ma’dondo-dondo dio olona.

1 DATU 11:38

Iake muperangii tu mintu’ apa Kupasan lako kalemu sia lolangko unturu’ lalanKu, sia umpogau’i tu apa malolo dio pentiroKu, iamotu ungkaritutui apa Kupondok sia apa Kupasan, susi tu napogau’ Daud, taungKu, manassa la Kurondongko sia la Kubangunangko misa’ tongkonan matontongan, susitu mangka Kubangunan Daud, sia la Kukamaseangko tu to Israel.

1 DATU 12:14

anna ma’kada lako tau iato mai susitu pa’timbangna mintu’ to mangura, nakua: Napamatana’mo ambe’ku tu pamaammi, apa la kupamatana’ pissan tu pamaammi; iake mangkakomi napa’dikki pebamba ambe’ku, apa iatu aku la umpa’dikkikomi pebamba ma’duri bassi.

PA’PUDIAN 111:9

Napadenan kadilendokan tu taunNa, sia Naarra’i tu basseNa tontong sae lakona; iatu sanganNa masero sia metakuran.

PA’PUDIAN 119:81

Mamali’ tungka tu penaangku lako kasalamaran dio mai Kalemi, sia urrannuanna’ kada pangallu’Mi.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

PA’PUDIAN 62:2

Rapa’ penaangku ma’patu’tun lako Puang Matua, tu kuNii ungkabu’tui kasalamaran:

PA’PUDIAN 89:3

Belanna susimoto tu kadangku: Iatu kamasokanan tontong bang dibangun, iatu kamarurusamMi ten langi’ tang tiberu.

YESAYA 11:1

La mentaruk tu garempongna Isai sia mellolo namembua tu taruk uaka’na.

YESAYA 27:6

Iake attu undinna la mennuaka’ tu Yakub, sia la menta’bi na mentado’ tu Israel, naurunganni situtu’ burana tu lino.

YESAYA 4:2

Allo ia dukato iatu apa Napopentaruk PUANG la napobelo sia napomala’bi’ tau, sia iatu bura padang la napomaballo sia la napokassa’ maramba’ to Israel tilendokmo.

YESAYA 54:10

Belanna moi nala tiberu tu mai buntu sia tigega’ tu mai tanete, apa iatu kamasokanangKu tae’ nala tiberu dio mai kalemu sia iatu basse kamarampasangKu tae’ anna la tigega’, kadanNa To maturu-turummu, iamotu PUANG.

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

YESAYA 61:8

Belanna Akumo, PUANG, umporai tu katonganan, Kukabiri’ tu pangrampa sia kakelokan, sia la Kusipatui tu sarona tau iato mai sia la untananNa’ basse matontongan sola tau iato mai.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

YEREMIA 33:21

mane dukari dipoka to tu basseKu sola taungKu Daud, naurungan tae’mo anakna muane tu la dadi datu dao isungan kapayunganna, sia sola tu mai to Lewi, iamotu mintu’ to minaa, taungKu.

YEHEZKIEL 37:26

La untananNa’ misa’ basse kasikaeloan sola tau iato mai, anna dadi misa’ basse tontong sae lakona; sia la Kukamasean misa’ inan sia la Kupopemba’ka’ na iatu inan maindanKu la Kupatontong bendan lan lu tangngana sae lakona.

AMOS 9:11

Allo iato la Kupabendan sule tu lantangna Daud, tu robokmo, sia la Kupasule tu rassakna, sia la Kupabendan sule tu ro’pokna; la Kubangun sule susi to dolona,

PENGGAURANNA RASULU’ 13:34

Na iatu kaNapamalimbangunanna Puang Matua dio mai to’ to mate, kumua da Naburuk sule, iamoto anNa ma’kada kumua: La Kupa’kamasean lako kalemi tu kamauparanna Daud, tu maindan sia matappa’.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

IBRANI 6:19

tu susi sau penaanta bantang sia matoto’, tu mentama tarru’ dio boko’ kulambu sapa’,

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.

1 SAMUEL 25:28

Pagarri’i tu kapatodo-tintinganna kaunanmi, apa PUANG la unggaragangkomi misa’ banua matontongan, belanna mipogau’mo tu rarinNa PUANG sia moi misa’ kakadakean tae’ diapparan dio kalemi lan mintu’ allo katuoammi.