2 SAMUEL 23:20 - Sura' Madatu

²⁰ Sia iapa tu Benaya, anakna Yoyada, anakna misa’ pa’barani, tu tarompo’ penggauranna, dio mai Kabzeel; iamote tu umpatei da’dua pa’barani lalong dio mai Moab. Den duka sangallo tonna attunnamo ambun makko namengkalao rokko garuang, napatei tu misa’ singa diong.

2 SAMUEL 23:20 ပူးပေါင်းရင်းမြစ်များ

2 SAMUEL 1:23

Iatu Saul sia Yonatan, tu naala penaanna sia nakamasei to buda lan katuoanna, tae’ duka nasitampe lan kamateanna. Mandu ia malinta’ sola duai anna langkan maega sia matoto’ anna singa.

2 SAMUEL 20:23

Iatu Yoab iamo kamandang lompona mintu’ surodadu to Israel, sia Benaya, anakna Yoyada, kamandangna to Kreti sia to Pleti.

2 SAMUEL 23:19

Tae’raka na ia lendu’ kadipakarayanna dio tu to tallu? Manassa iamotu pangulunna. Apa tang nalambi’i tu to tallu disa’bu’ dolona.

2 SAMUEL 23:21

Sia umpatei duka misa’ to Mesir, misa’ tau makarra’ tampana; iatu to Mesir untoe doke, apa ia manna tu tekken napake ullaoi; nasintakki tu doke dio mai to Mesir, nadoke iato napateanni.

2 SAMUEL 23:22

Susimoto tu penggauranna Benaya, anakna Yoyada; tarompo’mi dio lu tu pa’barani sola tallui.

2 SAMUEL 8:18

na iatu Benaya, anakna Yoyada, pangulunna to Kreti sia to Pleti sia iatu anakna muane Daud iamo to minaa.

1 DATU 1:26

Apa iate aku te, tu taunna datu, sia to minaa Zadok sia Benaya, anakna Yoyada, sia Salomo, tu taunna datu tae’ anna tambaikan.

1 DATU 1:38

Malemi tu to minaa Zadok sola nabi Natan na Benaya, anakna Yoyada, sisola to Kreti sia to Pleti, anna popessakei tu Salomo dao bagala’na datu Daud, anna solanni lako Gihon.

1 DATU 1:8

Apa iatu to minaa Zadok sia Benaya, anakna Yoyada, na nabi Natan na Simei na Rei sia mintu’ pa’baraninna Daud, tae’ namenturu’ lako Adonia.

1 DATU 2:46

Nasuami datu tu Benaya, anakna Yoyada, anna male umba’tai tu Simei, naurunganni mate. Dipabantangmi tu kadatuan tete dio limanna Salomo.

1 OSSORANNA DATU 12:8

Iatu to Gad den duka pira menturu’ lako Daud, tonna lan tambakuku dio padang pangallaran, pa’barani lalong, to malinta’ parari, to umbaa pa’buno balulang na doke, iatu rupanna tau iato mai susi singa, sia matira’ susi kijang, iamotu:

1 OSSORANNA DATU 18:17

Na iatu Benaya, anakna Yoyada, iamo pangulunna to Kreti sia to Pleti; iatu mintu’ anakna muane Daud iamo pangulu to mase’ponna datu, tu nasiayokan datu.

KATASSURAN 15:15

Attu iato tirambanmi pangulunna Edom, narampoimi kapa’pagegean tu mintu’ to paa dio Moab, iatu pa’tondokan Kanaan sipa’parondo-rondoan.

YOSUA 15:21

Iatu mai kota mambelanna liu suku to Yehuda, sikandappi’ anggenna Edom dio Padang Lo’na lu iamotu: Kabzeel, Eder, Yagur,