2 SAMUEL 23:19 - Sura' Madatu

¹⁹ Tae’raka na ia lendu’ kadipakarayanna dio tu to tallu? Manassa iamotu pangulunna. Apa tang nalambi’i tu to tallu disa’bu’ dolona.

2 SAMUEL 23:19 ပူးပေါင်းရင်းမြစ်များ

2 SAMUEL 23:13

Denni tallui tu kamandang tallungpulo male umpellambi’i Daud rokko lo’ko’ Adulam tonna pegandungan; attu iato denmi sangkaponan surodadu to Filistin ma’tenda diong lombok Refaim.

2 SAMUEL 23:16

Natamaimi pa’barani sola tallui tu inan surodadunna to Filistin, natimbami tu uai diong mai bubun dio Betlehem, sikandappi’ babangan, namale umbanni Daud. Apa tae’ namorai tu Daud unniru’i, sangadinna nabolloan dio oloNa PUANG.

2 SAMUEL 23:18

Iatu Abisai, siulu’na Yoab, anakna Zeruya, iamo pangulunna tu tau tallu. Na iamoto tu unnea doke tau talluratu’, napatei nasangi. Iamoto natarompo’ dio to tau tallu.

2 SAMUEL 23:20

Sia iapa tu Benaya, anakna Yoyada, anakna misa’ pa’barani, tu tarompo’ penggauranna, dio mai Kabzeel; iamote tu umpatei da’dua pa’barani lalong dio mai Moab. Den duka sangallo tonna attunnamo ambun makko namengkalao rokko garuang, napatei tu misa’ singa diong.

2 SAMUEL 23:9

Den pole’omi Eleazar, anakna Dodo, bati’na to Ahohi, iamo sangbilangan tu tallu pa’barani, iamo sisola Daud tonna ullo’bo to Filistin, tu sirampun dio la parari, na iatu to Israel sorong boko’mo.

1 OSSORANNA DATU 11:25

Moi anna dipakaraya ia dio lu to tau tallungpulo – apa tae’ nalambi’i tu to tallu disa’bu’ dolona. Naangka’mi Daud pangulunna mintu’ pa’kampana datu.

MATIUS 13:23

Na iatu tiambo’na rokko to’ padang lunak, iamotu to urrangii tu kada iato anna pemanassai; namembua melo tongan, naumpakendek burana, den manglokkon pessaratu’, den pennannan pulona, den pentallungpulo.

MATIUS 13:8

Sia den pira tu ta’pa rokko to’ padang lunak namembua, den manglokkon pessaratu’, den pennannan pulona den pentallungpulo.

1 KORINTUS 15:41

Senga’ kamala’biranna allo, senga’ kamala’biranna bulan, senga’ kamala’biranna bintoen; belanna iatu bintoen napantan sisengaran kamala’biranna.