2 SAMUEL 23:18 - Sura' Madatu

¹⁸ Iatu Abisai, siulu’na Yoab, anakna Zeruya, iamo pangulunna tu tau tallu. Na iamoto tu unnea doke tau talluratu’, napatei nasangi. Iamoto natarompo’ dio to tau tallu.

2 SAMUEL 23:18 ပူးပေါင်းရင်းမြစ်များ

2 SAMUEL 10:10

Iatu mintu’ surodadu la’bi, nasorong lako Abisai, adinna, tu umpopa’pampanganni sitingoan to Amon.

2 SAMUEL 10:14

Iatonna tiromi to Amon, kumua mallaimo tu to Aram, mallaimi tu tau iato mai dio mai tingayona Abisai, anna tama kota. Sulemi tu Yoab untalo to Amon, anna rampo lako Yerusalem.

2 SAMUEL 18:2

Mangkato napatallung torroanmi Daud tu mintu’ surodadu, sangtorroan napangului Yoab, sangtorroan napangului Abisai, anakna Zeruya, siulu’na Yoab, na sangtorroan napangului Itai, to Gat. Anna ma’kada tu datu lako mintu’ surodadu, nakua: Manassa la tassu’ dukana’ ussisolangkomi sola nasang.

2 SAMUEL 2:18

Dio duka ren tu tallu muane, anakna Zeruya, iamotu Yoab, Abisai na Asael; iatu Asael malinta’ susi donga dio lu padang.

2 SAMUEL 20:10

Tae’mi nakatangkinni Amasa tu pa’dang dio limanna Yoab; natobokmi Yoab tu tambukna, anna tiampa’ tu tambukna rokko padang; tae’mo napenduanni natobok, belanna matemo; malemi to tu Yoab sola Abisai, adinna unnula’ Seba, anakna Bikri.

2 SAMUEL 23:19

Tae’raka na ia lendu’ kadipakarayanna dio tu to tallu? Manassa iamotu pangulunna. Apa tang nalambi’i tu to tallu disa’bu’ dolona.

2 SAMUEL 3:30

Iatu Yoab sola Abisai, adinna, umpatei Abner, belanna napatei Abner tu Asael lan kasirarian dio Gibeon.

1 OSSORANNA DATU 2:16

Na iatu anak daranna tau iato mai iamotu Zeruya na Abigail. Iatu anakna muane Zeruya iamotu Abisai, Yoab na Asael, tallui sola nasang.

TOMANGADA’ 4:12

Iake ma’dinni misa’ tau untalo tau misa’, manassa iatu tau da’dua nakullepa bendan unneai; sia iatu tallu ulang dipasiulang, tae’ namadomi’ dika’tuan.