2 SAMUEL 23:17 - Sura' Madatu

¹⁷ Anna ma’kada nakua: Napatoyangmira PUANG dio mai kaleku la umpogau’i tu susinna te! Tang uai iaraka te tu butung rarana to male untibe sunga’na? Tae’mi namorai unniru’i. Susimoto tu penggauranna tinde to lalong sola tallui.

2 SAMUEL 23:17 ပူးပေါင်းရင်းမြစ်များ

KADADIAN 44:17

Ma’kadami Yusuf nakua: Toyang ia dio mai kaleku la umpogau’i tu susinnato, sangadinna iatu to dinii ungkabu’tui tu irusan, iamo la kupokaunan, apa iate kamu sola nasang, ke’de’ marampa’mokomi male langngan ambe’mi.

KADADIAN 9:4

Apa iatu duku’ sola sumanga’na iamotu rarana da mikandei.

2 SAMUEL 20:20

Mebalimi Yoab, nakua: Nadipatoyang-toyangmora dio mai kaleku la ussanggangi sia ussabu’i!

1 DATU 21:3

Apa ma’kada tu Nabot lako Ahab, nakua: Napatoyangmira PUANG dio mai kaleku la ussorongi mati’ kalemi tu mana’ nene’ to doloku.

1 OSSORANNA DATU 11:19

Anna ma’kada nakua: Napatoyangmira Kapenombangku la umpogau’i tu susinna te! La kuiru’raka tu rarana tau iate mai, iamotu sondana katuoanna? Belanna untibe sunga’na te tau iate mai, umbaai. Tae’mi namorai unniru’i. Susimoto tu penggauranna tinde to lalong sola tallui.

PA’PUDIAN 72:14

Ia la ullendokan sunga’na tau iato mai dio mai kadipakario-rioan sia kadipandasan, sia iatu rarana tau iato mai kapua angga’na dio pentirona.

SURA’ KATOMINAAN 17:10

Minda-mindai tu to Israel sia iatu to sae tu nasisolan torro, ke ungkandei rara sala umbanna – manassa la Kupapatui lindoKu la ullaoi tu to mangkamo ungkande rara iato, angKu sabu’i dio mai bangsana.

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

MARKUS 14:24

Nakuami ungkuanni: Iamote tu raraKu, tu rara titanan basse, dipato’do belanna buda tau.

1 KORINTUS 15:30

Sia ma’apa dukai te kami te, anna luangkan kasanggangan lan mintu’na attu?

TO PARENGNGE’ 5:18

Apa iatu Zebulon misa’ bangsa tang umpa’tinakkai katuoanna, susi dukato tu Naftali dio padang madao.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.

1 SAMUEL 26:11

Napatoyangmora’ PUANG la umpata’pai lima tu to Natokko PUANG. Totemo alami tu dokena tu dio to’ ulunna sia iate busso, anta male.