2 SAMUEL 23:16 - Sura' Madatu

¹⁶ Natamaimi pa’barani sola tallui tu inan surodadunna to Filistin, natimbami tu uai diong mai bubun dio Betlehem, sikandappi’ babangan, namale umbanni Daud. Apa tae’ namorai tu Daud unniru’i, sangadinna nabolloan dio oloNa PUANG.

2 SAMUEL 23:16 ပူးပေါင်းရင်းမြစ်များ

KADADIAN 35:14

Naosokmi Yakub misa’ tanda dianna batu silambi’ dio to’ inan Nanii Puang ma’kada lako kalena, iamo batu, tu misa’ tanda dianna batu silambi’ anna pato’doi anggoro’ dipennoloan sia nabolloi minna’.

2 SAMUEL 23:9

Den pole’omi Eleazar, anakna Dodo, bati’na to Ahohi, iamo sangbilangan tu tallu pa’barani, iamo sisola Daud tonna ullo’bo to Filistin, tu sirampun dio la parari, na iatu to Israel sorong boko’mo.

1 OSSORANNA DATU 11:18

Natamaimi pa’barani sola tallui tu inan surodadunna to Filistin, natimbai tu uai diong mai bubun dio Betlehem sikandappi’ babangan, namale umbanni Daud. Apa tae’ namorai tu Daud unniru’i, sangadinna nabolloan dio oloNa PUANG.

TOMANGADA’ 4:12

Iake ma’dinni misa’ tau untalo tau misa’, manassa iatu tau da’dua nakullepa bendan unneai; sia iatu tallu ulang dipasiulang, tae’ namadomi’ dika’tuan.

BATING 2:19

Millikko ammu sumarro ke bongi, ke randukoi pa’kampan, barrakanni tu penaammu susito uai dio oloNa Puang, popempala’i tu limammu langngan Puang belanna sunga’na anakmu, tu ma’ipu napobua’ katangdiaran dio lu mintu’ kasepangan lalan.

KADIBILANGAN 28:7

Sia pemala’ pantedok, tu dipasisolanni la sangtaa a’pa’na hin, ke misa’o domba; tedokanni PUANG tu pemala’ pantedok dio mai apa diiru’ tu mepamalango lan inan maindan.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

ROMA 5:7

Apa masuli’ tongan tau morai mate belanna misa’ to malolo. Umbai den sia tau barani mate belanna to melo penaanna.

2 KORINTUS 5:14

Belanna napatundukkan tu pa’kaboro’Na Kristus, tu kikanassai kumua matemo tu Tau misa’ tu belanna iatu mintu’ tau, iamora bannangnato anna matemo sola nasangi.

FILIPI 2:17

Moi susinna anna dipato’do raraku dibolloan pemala’ sia pesuru’ kapatonganammi, parannu duka penaangku sia sende-sendena’ sisola kamu massola nasang,

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?

1 SAMUEL 7:6

Sirampunmi tu tau iato mai dio Mizpa, anna timba uai, nabolloanni dio oloNa PUANG. Allo iato ma’puasami tu tau iato mai, anna ma’kada inde to dio, nakua: Kasalanmokan lako PUANG. Umpalalomi toean to parengnge’ tu Samuel lako to Israel dio Mizpa.