2 SAMUEL 23:10 - Sura' Madatu

¹⁰ Ke’de’mi anna ba’tai tu to Filistin, naurungan mengkata’ka’mo tu limanna, sia iatu pala’ limanna la’ka’ bangmo dio pa’dangna. Napadenammi PUANG misa’ kapataloan kapua allo iato. Na iatu to buda sule pole’mo unturu’i, la mangrampa mannamo.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

bendanmi lan tangnga pa’lak iato, napangeai tu pa’lak iato, anna taloi tu to Filistin. Napadenmi PUANG misa’ kapataloan kapua.

2 DATU 5:1

Iatu Naaman, kamandang lompona datu Aram, iamo misa’ to napakala’bi’ tongan puangna, sia mandu dipakaraya, belanna tete dio kalena anNa pa’kamaseanni PUANG tu kapataloan lako to Aram. Iatu tau iate, iamo misa’ to lalong, apa golenan.

1 OSSORANNA DATU 11:13

Iamo sisola Daud dio Pas-Damim, tonna sirampun tu to Filistin inde to dio la parari. Denmi sanggori’ pa’lak dio nasitutu’i dalle sisikan, namallaimo tu surodadu naula’ to Filistin.

PA’PUDIAN 108:13

Tunduikan unnea ualingki, belanna tae’ gai’na tu pa’tunduan tolino.

PA’PUDIAN 144:10

Mati’ Kalemi, tu umben kapataloan mintu’ datu, sia urrampanan Daud, taumMi dio mai bassi mesabu’i.

PA’PUDIAN 68:12

Ma’pau tang sala-sala tu Puang; na mintu’ baine umpa’peissanan kareba melo, sae ma’baanan.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

ROMA 15:18

Belanna tae’ kubarani umpokadai tu apa, sangadi iapi tu Napogau’na Kristus tu kusumbunganni, la umpadadi to menturu’ tu to kapere’, diona kada sia penggauran;

2 KORINTUS 4:5

Belanna tangia kaleki kipa’peissanan, sangadinna Kristus Yesu, kumua Iamotu Puang, na kami te kaunanmikan tu belanna Yesu.

YOSUA 10:10

Napatangma’rundunammi PUANG tu tau iato dio tingayona to Israel, naurungan napissanni natalo tu tau iato dio Gibeon sia naula’ ma’palulako tanete mellombokna dio Bet-Horon sia natalo sae lako Azeka sia Makeda.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

YOSUA 11:8

Nasorongmi PUANG tama limanna to Israel anna taloi sia naula’ sae lako Sidon-Kapua sia sae lako Misrefot-Maim, sia sae lako lombok Mizpa ma’palulako matallo. Napateimi tu tau iato, moi misa’ tae’ nalussuran.

TO PARENGNGE’ 15:14

Iatonna rampo Simson lako Lehi unnarrak-arrakmi tu to Filistin sae untammui; pakalan Narampoimi PenaanNa PUANG, anna mintu’ tu ulang lan lengo-lengona tenmoto batang rami nakande api sia iatu pepungona sisane’buan tilossok lan mai limanna.

TO PARENGNGE’ 15:18

Iatonna tarru’ ma’rangmo, metambami langngan PUANG, nakua: Mikamaseimo’ te kadirampanan kapua iate tu mangka kulopian, umbamo nakua totemo angku la mate ma’rangmo sia la tobangmo’ tama limanna to tang disunna’i.

1 SAMUEL 11:13

Apa nakua Saul: Allo iate tae’ nama’din misa’ tau dipatei, belanna allo iate Napaden PUANG tu kadirampanan lako to Israel.

1 SAMUEL 14:23

Susimoto tu to Israel Narampanan PUANG allo iato. Tarru’ bang tu kasirarian iato sae lako nalendu’i tu Bet-Awen.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:53

Mangkato tibalikmi tu to Israel unnula’ manuk-manukki tu to Filistin, anna pangrampai tu to’ tenda surodadunna.

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?