2 SAMUEL 22:51 - Sura' Madatu

⁵¹ Iamo umpakapua kadirampananna datunNa, tu umpa’pekitanan kamarurusan lako to Natokko, iamotu Daud sia bati’na tontong sae lakona!

2 SAMUEL 22:51 ပူးပေါင်းရင်းမြစ်များ

2 SAMUEL 22:2

Nakua: O PUANG, buntu batungku, sia tambakuku matoto’ku, sia To urrampananna’.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

2 SAMUEL 7:16

Iatu banuammu sia kadatuammu la masae lako dio tingayomu, sia isungan kapayungammu la bantang sae lakona.

PA’PUDIAN 144:10

Mati’ Kalemi, tu umben kapataloan mintu’ datu, sia urrampanan Daud, taumMi dio mai bassi mesabu’i.

PA’PUDIAN 18:50

Iamoto angku la umpudiKomi, O PUANG, dio lu mintu’ bangsa, sia la kupenanian pa’pudian tu sangamMi.

PA’PUDIAN 21:1

Lu lakona pangala sengo. Pa’pudianna Daud.

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

PA’PUDIAN 48:3

Iatu buntu Sion maelo malangka’na daanna lu tampak ulunna salu, iamo naposende sangullele lino, Sia iamo kotana Datu kapua.

PA’PUDIAN 89:20

Tonna attu iato ma’kadamoKomi lako to masallo’Mi lan patiro mendeata, susite: Mangkamo Kulampakan pa’tunduan tu misa’ lalong, sia Kupamatandemo tu misa’ to dipilei langsa’ lan mai bangsa iato.

PA’PUDIAN 89:24

Sangadinna la Kupipping tu ualinna dio olona, sia la Kutalo tu mai to ungkabiri’i.

PA’PUDIAN 89:26

La Kupaalai limanna tu tasik, sia lima kananna tu mai minanga.

PA’PUDIAN 89:29

La Kukaduttu’ tu kamasokanangKu lako kalena tontong sae lakona, sia iatu basseKu sola tang la tileluk:

PA’PUDIAN 89:36

PissanKu umposumpa kamaseroangKu: Tae’ Kula ungkamorangi len Daud!

PA’PUDIAN 91:2

Ma’kadana’ lako PUANG kukua: Kamumo tu pentilindungangku sia tambakukungku, iamo Kapenombangku tu kuposande’.

YEREMIA 30:9

sangadinna tau iato la umpengkaolai PUANG, Kapenombanna, sia Daud, datunna, tu la Kupabendananni.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.