2 SAMUEL 22:43 - Sura' Madatu

⁴³ Kunisak-nisak tu tau iato mai butung to barra’-barra’ dio lu padang, kulullu’-lullu’ sia kupolungganak ten to so’mak dio lu lalan.

2 SAMUEL 22:43 ပူးပေါင်းရင်းမြစ်များ

2 SAMUEL 7:9

Kurondongko umba-umba muola sia Kusabu’i tu mintu’ ualimmu dio tingayomu. Sia la Kupatarompo’ tu sangammu susi sanganna to tarompo’ lan lino.

2 DATU 13:7

Tonganna tae’ napatorroanni surodadu sangadinna pakkanarang limangpulo sia kareta sangpulo sia iatu to ma’lingka sangpulo sa’bu; belanna nasanggangmo datu to Aram tu tau iato mai sia napasusi barra’-barra’ ke attu panglulluran.

PA’PUDIAN 18:42

Metambamo tu tau iato mai, apa tae’ misa’ tau untundui, metamba lako PUANG, apa tae’ Napebalii.

PA’PUDIAN 35:5

Da’ito anna susi nasang ta’pian napentiaran angin, anNa lolai Malaeka’Na PUANG.

YESAYA 10:6

Kusuamo umpandasa misa’ bangsa tang mekaaluk sia Kukuan la ullaoi misa’ to sangpetayanan narua kasengkeangKu, la umpangrampai sia umpanglo’do’i anna lullu’i tu tau iato mai susi so’mak dio lu lalan.

YESAYA 26:15

Mipopemba’ka’mo, o PUANG, tu bangsa iate, Mipopemba’ka’mo, sia Mipamala’bi’mo tu Kalemi, mintu’ lili’ padangna Mipakalua’mo.

YESAYA 41:2

Mindara umpabu’tui dio mai matallo tu to sitammu kapataloan lan mintu’ kalingkanna? Mindara ussorongi lako kalena tu mai bangsa sia umbenni kuasa umpatundukki tu mai datu, pa’dangna umpopembarra’-barra’i tu tau iato mai, sia panana umpopennongkanni nasarombonan angin?

YESAYA 41:25

Umpake’de’Na’ misa’ tau daa mai ulunna salu, anna saemo, lu dio mai kadellekan allo tu misa’ tau ussa’bu’ sangangKu; nalullu’ tu arung susi losso’, ten to tumampa kurin ullullu’ pitti’.

DANIEL 2:35

Attu iato sangmanisakammi tu bassi na losso’ pitti’ sia tambaga sia salaka sia bulaan, susito ta’pian dio to’ panglulluran, ke pealloanni, napasisarombonan angin, naurungan moi sidi’ tae’mo tinampe len; apa iatu batu tu unnisak-nisakki tu rapang-rapang iato, mendadimo misa’ buntu kapua, ussamboi mintu’ kuli’na padang.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

ZAKHARIA 10:5

Sia iatu tau iato mai butung to lalong, tu ullese so’mak dio lu lalan lan kasirarian; ondongpi parari tu tau iatu mai, belanna Narondong PUANG, apa iatu mai to ussakei darang la kasirisan.

ZAKHARIA 2:6

Madoi’komi, madoi’komi. Mallaikomi lan mai tondok rampe daanna lu! kadanNa PUANG, belanna mangkamokomi Kupatisambo’ lako a’pa’ matanna angin, kadanNa PUANG.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

PA’TOLE 32:26

Moronganna angKu ma’kada Kukua: La Kusapui pala’ tu tau iato, sia Kupurai tu kapengkilalanna dio lu ma’rupa tau,