2 SAMUEL 22:40 - Sura' Madatu

⁴⁰ Belanna mangkamoKomi umpatambeke’ina’ kamabukuan la parari, sia mangkamo Mipatunduk lako kaleku tu mintu’ to unneana’.

2 SAMUEL 22:40 ပူးပေါင်းရင်းမြစ်များ

PA’PUDIAN 109:19

Dai’to tu tampak ropu anna butung tamangkale napengkalemu’, sia butung tambeke’ tu tontong bang napotambeke’.

PA’PUDIAN 144:2

Iamo kamasokanangku sia tambakukungku, sia bentengku na patunduangku, sia balulang toto’ku, sia pentilindungangku, sia tu umpatundukanna’ ba’tu pira-pira bangsa.

PA’PUDIAN 18:32

Belanna mindara senga’na tu Kapenomban, ke tang PUANG, sia mindara senga’na tu buntu batu, ke tang Kapenombanta?

PA’PUDIAN 18:39

Mangkamo kupessambakan naurunganni tang nakullemo malimbangun sule, sia tibambang diong to’ lentekku.

PA’PUDIAN 44:5

Kamumo tu Datungku, o Puang Matua; ma’kadamoKomi anna dilendokan tu Yakub.

YESAYA 45:5

Akumo tu PUANG, tae’ senga’na, nasaliananna Aku, tae’ tu Kapenomban senga’. Mangkamo Kutambeke’i tu ayakmu, moi ammu tang untandaiPa’.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

KOLOSE 1:11

Anna mintu’ kamatotoran dipamatotorangkomi situru’ tu kuasa kamala’biranNa lako kabattaran penaa sia pesuka’ kalando situang kaparannuan,

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

1 SAMUEL 23:5

Malemi tu Daud sola mintu’ solana lako Kehila, anna sirari to Filistin, narambami male tu mintu’ sapinna sia natalo tarru’ tu tau iato mai, naurunganni narampananni Daud tu mintu’ pa’tondokan Kehila dio mai kalena.