2 SAMUEL 22:3 - Sura' Madatu

³ Kapenombangku sia Buntu batungku, tu kunii mentirerung, Iamo kupobalulang, sia tanduk kasalamarangku, sia benteng matoto’ku. Sia pentilindungangku, sia pela’bakku; tu mangka ullendokanna’ dio mai pa’pakario-rio.

2 SAMUEL 22:3 ပူးပေါင်းရင်းမြစ်များ

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

2 SAMUEL 22:31

Iatu Kapenomban sundun tu lalanNa, iatu kadanNa PUANG tang kabissikan. Iamo napobalulang mintu’ to umposan- de’i.

2 SAMUEL 22:47

Iatu PUANG tuo sia mintu’na kadipuadian lu lako nasang Puang Buntu batungku, sia anna dipekalangka’i tu Puang Matua, oto’na kasalamarangku.

2 SAMUEL 22:49

tu urrampananna’ dio mai mintu’ ualingku. Ondongpi Kamu duka umpamadoanna’ na iatu mintu’ to umbalina’, sia Kamumo tu ullussuranna’ dio mai to masa’ga’.

2 SAMUEL 22:51

Iamo umpakapua kadirampananna datunNa, tu umpa’pekitanan kamarurusan lako to Natokko, iamotu Daud sia bati’na tontong sae lakona!

2 SAMUEL 23:3

Ma’kada tu Kapenombanna to Israel, narampoina’ kadanNa Buntu batunna to Israel, Nakua: Misa’ to ma’parenta lako tolino sitoe kamalamburan, misa’ to ma’parenta ungkataku’ Puang Matua.

PA’PUDIAN 14:6

Moi midampa tu tanan penaanna to dipandasa, apa PUANG tu pentirerunganna.

PA’PUDIAN 140:1

Lu lakona pangala sengo. Pa’pudianna Daud.

PA’PUDIAN 140:11

Nake nasamboi ruaya tu tau iato mai; sia nake Napembuanganni Puang tama to’ api sia rokko posi’na tana, da nabangun sule.

PA’PUDIAN 140:4

Tau iato mai umpamataran lilana susi ula’, sia dio randan pudukna tu ipo ula’ rakke’. Sela

PA’PUDIAN 142:4

Iake bonnongi tu penaangku lan, Mitandai tu lalanku. Tau iato mai untananni bunina’ poya, dio to’ lalan la kuolai.

PA’PUDIAN 144:2

Iamo kamasokanangku sia tambakukungku, sia bentengku na patunduangku, sia balulang toto’ku, sia pentilindungangku, sia tu umpatundukanna’ ba’tu pira-pira bangsa.

PA’PUDIAN 18:2

Nakua: Ponno tongan penaangku, ungkamali’Komi, o PUANG, oto’na kamatotorangku,

PA’PUDIAN 27:5

Belanna iake nalambi’na’ kamaparrisan Napalanna’ barungNa, sia Narerungna’ lan ongan tendaNa, Napakendekna’ langngan buntu batu.

PA’PUDIAN 28:7

PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

PA’PUDIAN 32:7

Kamumo tu inan pentilindungangku, sia Mirinding pala’na’ dio mai kamaparrisan, mipaepunnina’ sengo la’tek makarimman.

PA’PUDIAN 46:1

Lu lakona pangala sengo. Misa’ pa’pudianna to Korah. Unturu’ baenan sengo: Anak dara. Misa’ sengo.

PA’PUDIAN 46:11

Rapa’komi sia issanni kumua Akumo tu Puang Matua; Akumo tu mala’bi’ dio lu mintu’ bangsa, sia mala’bi’ lan lino.

PA’PUDIAN 46:2

Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.

PA’PUDIAN 46:7

Marukka’mi tu mintu’ bangsa sia tigega’ tu mintu’ parenta, sumarabami tu Puang, anna bonno’ tu lino.

PA’PUDIAN 5:12

Apa mintu’ tu to umposande’Komi la parannu. Tau iato mai la tontong unnarrak, belanna Mirinding pala’, sia mintu’ tu to ungkamali’ sangamMi la umposende paimanKomi!

PA’PUDIAN 55:9

Sia tikara-karana’ mentirerung angku tilendok dio mai talimpuru’ sia angin bara’.

PA’PUDIAN 59:16

Tau iato mai palong undaka’ kande, sia unnurrung-urrung, ke tae’i nadia’,

PA’PUDIAN 61:3

Dio mai tampakna padang kunii meongli’ mati’ Kalemi, belanna rosso tu penaangku; solanna’ langngan buntu batu tu tang kusara kalena ullangnganni.

PA’PUDIAN 71:7

Iatu aku butung misa’ a’gan napomangngamo buda tau, apa Kamumo pentirerungan matoto’ku.

PA’PUDIAN 72:14

Ia la ullendokan sunga’na tau iato mai dio mai kadipakario-rioan sia kadipandasan, sia iatu rarana tau iato mai kapua angga’na dio pentirona.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

PA’PUDIAN 84:9

O PUANG, Kapenombanna mintu’ ma’dandan maritik, perangii tu passambayangku, patananni tu talingamMi, o Kapenombanna Yakub! Sela

PA’PUDIAN 86:14

O Puang Matua, mintu’ to matampo ke’de’mo umbalina’, sia kombonganna to masa’ga’ la ungka’tu sunga’ku. Sia tae’mo nakilalaiKomi lan penaanna.

PA’PUDIAN 9:10

PUANGmo tu napobenteng malangka’ mintu’ to dipakario-rio, Iamo tambakuku lan attu kamandasan.

PA’PUDIAN 9:9

Puang la umpaolai malambu’i salunna te lino, sia umpaolai pangra’ta’ malolo tu mintu’ to sangpetayanan.

KATASSURAN 15:2

PUANGmo tu oto’na kamatotorangku sia oto’na pa’pudiangku, Nanii bu’tu kamakarimmanangku. Iamo Kapenombangku, Iamoto angku la umpangke’i, Iamo Kapenombanna ambe’ku, iamoto angku la umpudii.

SARAMBU PEADA’ 18:10

Iatu sanganNa PUANG sangtinti to menara matoto’; iatu to malambu’ mallai lako natang matumba-tumba dio.

SARAMBU PEADA’ 30:5

Mintu’ tu kadanNa Puang Matua pura sudimo anna masero tongan; iatu to umpentionganNi Iamo napobalulang.

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

YESAYA 32:2

Tau iato la susi pentirerungan dio mai angin bara’ sia pentilindungan dio mai uai luang sia butung to salu’-salu’ dio padang ba’ta’ sia susi bayo-bayo buntu batu kapua dio padang karangkean.

YESAYA 45:21

Pa’peissananni sia pokadai tu tanda sa’bimmi, sitimbangi sola nasang. Mindara tu umpa’perangianni dolona sia umpa’peissananni te masaimo? Tae’raka na Aku te, tu PUANG, sia tae’ tu Puang Matua senga’, sangadinna Aku manna, tae’ tu Kapenomban malambu’ sia mangla’bak, sangadinna Aku.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 16:9

Belanna nakua kadanNa PUANGna mintu’ ma’dandan maritik, Kapenombanna to Israel, kumua: Tonganna la Kupa’dei tu arrak kaparannuan sia kamaruasan sia gamara to ma’rampanan kapa’ dio pentiromi sia iato ke linomipi.

LUKAS 1:47

sia umpomarannumo Puang Matua tu penaangku, To patutungan bia’ku,

LUKAS 1:69

Sia Napabendanammiki’ tanda kamarendengan lan banuanna Daud, taunna,

LUKAS 1:71

kumua anta lessu’ dio mai mintu’ ualinta sia dio mai limanna mintu’ to ungkabiri’ki’;

PA’TOLE 32:37

attu iato la ma’kada tu Puang Nakua: Umbamira tu deatanna – iamotu buntu batu napentionganni –

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.

TITUS 3:4

Apa iatonna sombomo tu kamasokananNa Puang Matua, To pakarimmananta, sia pa’kaboro’Na lako tolino,

TITUS 3:6

tu Napalempanmo Natuarangki’ tete dio Yesu Kristus, To pakarimmananta,

IBRANI 2:13

Sia Nakuapa: Aku te la marannu lakoNa’ Kalena. Nakua siapa: Tiroi, Aku te sisolana’ mintu’ anak Napa’kamasean Puang Matua lako Kaleku.

1 SAMUEL 2:1

Massambayangmi tu Hana, nakua: Iatu penaangku sende-sende angku kumalasi diona PUANG, sia dipataranggamo tu tandukku tete dio PUANG, sia tibungka’mo tu pudukku umbali mintu’ ualingku, belanna kupoparannumo tu kasalamaran lu dio mai Kalemi.

1 SAMUEL 2:2

Moi misa’ tau tae’ namasero susi PUANG, sia tae’ misa’ tu kapenomban senga’ sangadinna Kamu manna, sia tae’ tu buntu batu susi Kapenombangki.