2 SAMUEL 22:29 - Sura' Madatu

²⁹ Belanna Kamumo palitangku, o PUANG, sia PUANG umpopembali maseroi tu kamalillinangku.

2 SAMUEL 22:29 ပူးပေါင်းရင်းမြစ်များ

2 SAMUEL 21:17

Apa sae tu Abisai, anakna Zeruya untundui tu datu, naba’tai tu to Filistin iato, anna mate. Mangkato napalaku tongan-tonganmi mintu’ surodadunna Daud sia umpalao sumpa lako datu, nakua: Damo mitassu’ ussolangkanni lao parari, da napa’dei puangki tu palitanna Israel.

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

AYUB 29:3

tonna padukkui Puang tu lampunNa dao ulungku, naarrangna’ tu dukkunNa tongku lumingka lan kapittukan;

PA’PUDIAN 112:4

Iatu lu lakona to ma’bulo lollong bu’tu ia tu Masiang lan malillinna, Iamo Ia tu maturu-turu sia mamase na malambu’.

PA’PUDIAN 18:28

Kamumo ullendokanni tu bangsa dipandasa, apa Mipopengkadiongan tu mintu’ to patiro solo’.

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

PA’PUDIAN 4:6

Pennoloanni tu pesuru’ situru’ tu pato’na, sia patonganNi tu PUANG!

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

PA’PUDIAN 97:11

Iatu arrang dipasomboan to malambu’, sia iatu kaparannuan dipabu’tuan to bulo lollong.

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

MIKHA 7:9

Iatu aku untanggung kare’dekan ara’Na PUANG – belanna umpogau’na’ kasalan lako kaleNa – sae lako nasanda tongannina’ lan kara-karaku sia Napasirundunan tu salunna lako kaleku. La Napatassu’na’ lako masiang; sia la kutiro kumua umba Nakua umpogau’i tu kamaloloan.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

YOHANES 12:46

Aku te saeNa’ tama lino butung misa’ arrang, kumua anna minda-minda umpatonganNa’ tae’ natorro lan malillinna.

YOHANES 8:12

Ma’kada pole’omi Yesu lako tinde tau nakua: Akumote tu arrangna lino. Minda-minda unturu’Na’, tae’ nala lumingka lu lako lu dio mai lan malillinna, sangadinna la den arrang katuoan dio.

KADA OMBO’ LAKO RASULU’ YOHANES 21:23

Tae’ namanggi’ tu allo sola bulan unnarrangi tu tondok iato, belanna kamala’biranNa Puang Matua umpamasiangi sia Anak domba napopalita.