2 SAMUEL 22:21 - Sura' Madatu

²¹ Napapatuimo’ PUANG sitinaya kamaloloangku, sia Napapakkannina’ sitinaya kamaseroanna limangku,

2 SAMUEL 22:21 ပူးပေါင်းရင်းမြစ်များ

2 SAMUEL 22:25

Iamoto anNa papakkannina’ PUANG sitinaya kamaloloangku, sia sitinaya kamaseropindanangku dio oloNa.

1 DATU 3:6

Mebalimi tu Salomo nakua: Mipakitanmo taumMi Daud, ambe’ku, tu kamasokanan kapua, susitu kalolanganna dio oloMi situang kamarurusan sia kamalamburan sia lantuk penaa lako KaleMi; na iatu kamasokanan kapuaMi Mipatontong dio kalena, Miurunganni ungkamaseanni misa’ anak, tu unnisung dao kapayunganna susite allo iate.

1 DATU 8:32

la Miperangii dao mai suruga, sia Mipogau’i to sia la Mipaolai salunna tu taumMi, amMi pasalai tu to sala sia Mipasule langngan botto ullunna tu penggauranna, amMi sanda-tonganni tu to tongan sia Mipapakkanni sitinaya kamalamburanna.

AYUB 17:9

Moi nasusito iatu to malambu’ umpatontong lalanna, sia minda-minda tu masero limanna la kerangan tu kamatotoranna.

PA’PUDIAN 19:11

Tu mandu maballo anna bulaan, moi na bulaan tasak buda; sia mandu matanning na tani’ enoan, sia iatu lannapa serangna.

PA’PUDIAN 24:4

Iamotu to masero pindan limanna sia sallo’ penaanna, tu tang ungkabarii tang kebattuanna, sia tang umpalao sumpa tang tongan.

PA’PUDIAN 7:8

Melo ke natalimbungKomi kombong kalua’na mintu’ to sangpetayanan, sia unnisungKomi langnganna tau iato mai dao inan dipalayuk.

SARAMBU PEADA’ 11:31

Tonganna, iatu to malambu’ la dipakkan dao kuli’na padang, ondong pole tu to tang mekaaluk sia to kadake gau’na.

1 KORINTUS 15:58

Iamoto, e kamu siulu’ pa’kaboro’ku, batta’komi da naleluk penaammi, sia bassa’komi umpengkali-kalii mengkarang lan pengkaranganNa Puang, belanna miissan kumua iatu kamara’tasammi tae’ nala torro sala lan Puang.

YAKOBUS 4:8

Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

1 SAMUEL 26:23

Na PUANG pantan la umpapakkanni tu kamaloloanna sia kamarurusanna, belanna PUANG ussorongkomi lako kaleku allo iate, apa manokana’ umpata’pai lima tu to Natokko PUANG.