2 SAMUEL 22:20 - Sura' Madatu

²⁰ Nasolammo’ sun lako inan malona’, sia Narampananna’, belanna Napopai- manna’.

2 SAMUEL 22:20 ပူးပေါင်းရင်းမြစ်များ

KADADIAN 26:22

Tilelemi inde to dio mai tu Ishak anna bo’bok bubun senga’, natae’mo nasipakkai, nasangaimi Rehobot, anna ma’kada nakua: Totemo nabenmoki’ kamalonaran PUANG sia la memba’ka’ki’ lan te tondok.

2 SAMUEL 15:26

Apa iake Nakuai kadanNa kumua: Tae’mo Kuporaiko, inaanNa bang, da’ito anNa pogau’i lako kaleku tu Nasanganna melo.

2 SAMUEL 22:37

Mipamalona’mo tu kuninna mentengka, natae’ natiparedok tu pa’gallangangku.

1 OSSORANNA DATU 4:10

Meongli’mi tu Yabes lako Kapenombanna to Israel nakua: Ke ma’dinni Mipamasakke tonganna’i sia Mipakalua’ tu lili’ku, sia narondongna’ limamMi, sia patoyangi dio mai kaleku tu kamandasan, naurunganni tae’ naruana’ kamasolangan! Nakamaseammi Puang Matua tu apa napalaku.

PA’PUDIAN 118:5

Iatongku illan kamaparrisan, meongli’mo’ langngan PUANG, anNa tanannina’ talinga sia Napamalosangmo’.

PA’PUDIAN 147:11

Iatu PUANG Naporai tu to ungkataku’I, sia iatu to urrannuan kamasokananNa.

PA’PUDIAN 149:4

Belanna iatu taunNa naala penaanNa PUANG, sia Napapakei kasalamaran tu to sorong inaa.

PA’PUDIAN 22:8

Minda-minda untirona’ nabe’sena’, sia nabellu’ina’ anna unniling-iling, nakua:

PA’PUDIAN 31:8

La umpomela’tekna’ sia umpoparannu kamasokanamMi, belanna Mitiromo tu kamandasangku, sia Miissanmo tu kamaparrisanna deatangku.

PA’PUDIAN 31:9

Sia tae’ Misorongna’ tama lisu pala’na uali, sangadinna Mipopellesemo tu lentekku dio malona’na.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

HOSEA 4:16

Belanna iatu to Israel tang sopati susi sapi tang sopati. Ma’dinraka la Nakambi’ PUANG susi misa’ domba dio lu padang kalua’?

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 27:43

Rannu lakomo Puang Matua, da’ito na Puang Matua duka ungkarimmanNi totemo, ke Naporai Puang Matua; belanna nakua: AnaknaNa’ Puang Matua.

MATIUS 3:17

Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.